بنده و استهبال الأسعار
نوفمبر 3, 2008 at 10:31 ص | In عام | 33 CommentsTags: أسعار, بنده
من شوي كنت مع الوالده الله يحفظها نشتري أغراض للبيت
طبعاً رايحه مدقق تواريخ و أسعار 
ولا أنا وحده ما أفضل بنده
وقت الحساب
السعر اللي مكتوب على الرف شي و الجهاز يقول شي ثاني ( طبعاً أغلى )
قلت السعر هناك مكتوب غير كذا 
قال أنا أمشي على الجهاز عندي
طيب
المفروض فيه توافق أسعار بين المكتوب و الجهاز وصل هالرساله لإدارتك
واضح انه موب عاجبه المكان و انه تمشيه حال لين يلقى له وظيفه أحسن
أنا هنا أحاسب و بس
تحترق بنده ولا وش ما يصير فيها ما يهمني
تركته ما عاد قلت له شي لأن الكلام معه ضايع
و في نفسي أقول طيب اختصر الموضوع و قول
ما أقدر أوصل الرسالة و لا تتحلطم فوق راسي
كان فيه واحد ثاني من الموظفين محترم
سألته وين إدارتكم اللي هنا ؟ ولا بدري عليهم ما بعد داوموا ( 9 الصباح تقريباً )
قال إلا موجود لكن ما أظن بتقدرين تتفاهمين معاه
ليه
هندي
أهلا وسهلا
أقول لأمي ما شاء الله من قل السعوديين عشان يكون مديرهم هندي
تعليقات »
خلاصة "RSS" للتعليقات على هذه التدوينة. عنوان التتبع
أضف تعليق
المتواجدين الآن
reader
untiny
أطايب
صفحاتي الأخرى
-
أحدث التعليقات
نور on أذكار أنا وأختي ... on أذكار محاولة للخلود on H1N1 هنووفه on كلية الآداب بالدمام = × اقصوصه on H1N1 
rss-
-
-
المدونة لدى WordPress.com. | Theme: Pool by Borja Fernandez.
Entries and comments feeds.
طيب كان جربتي تتكلمي هندي !
Comment بواسطة الاهلاوي29 — نوفمبر 3, 2008 #
ما أعرف أتكلم أوردو !
Comment بواسطة أفنان أباحسين — نوفمبر 3, 2008 #
يعني مافيه الا المدير الهندي
مافيه مشرف على المحاسبين
ومافيه قسم لأدخال الاسعار
بصراحه سقطه كبيره من هايبر بنده
Comment بواسطة Mr-Waleed — نوفمبر 3, 2008 #
ايييي ترى هذي حركة معروفة ببندة اعتقد بكل فروعهم بالمملكة !!!
يحطون لك سعر شيء وبالجهاز سعر اخر !!
اعتقد انها حركة عشان لاجيتي عند الكاشير مايمديك ترجعين الاغراض وتاخذينها غصب O_o
حتى انا ماحبة :/
(F)
Comment بواسطة NjOoo — نوفمبر 3, 2008 #
Mr-Waleed
صح كلامك
وفوق هذا ما فيه زود نظافه
———
NjOoo
الظاهر ان الحركه متعمده !
استغفال لخلق الله
لا أرجع ولا يهمني
أكره ما عندي اللي يستغفلني و عينك عينك بعد !
Comment بواسطة أفنان أباحسين — نوفمبر 3, 2008 #
هي وقفت على بنده ، الحين الاغلب يسوون كذا ..
نصب عيني عينك ..
وعلى فكرة بنده اشترت المخازن الكبرى وراح يتم الاندماج النهائي من 1/1/2009
يعني ما عاد فيه مخازن كبرى
Comment بواسطة جندبي — نوفمبر 3, 2008 #
لا ما وقفت
أي أحد يسوي معي هالحركه ترجع البضاعه
لكن محد يسويها معانا كثر بنده
اها
اقول وش عندهم المخازن وقفوا بطاقات التوفير
آثاريها بتصير كلها بنده
Comment بواسطة أفنان أباحسين — نوفمبر 3, 2008 #
عاشووو .. ~
شويـ ويحتلونـ الديرهـ .. ”
المدراء هنود وعمالـ النظافهـ سعوديينـ .. !
كملتـ .. !
Comment بواسطة maram — نوفمبر 3, 2008 #
بالنسبة لي ما قد طبيت بنده ..
أروح أسواق المزرعة دايم بحكم انها قريبة مني , واذا صنفت معي أروح جيان في الظهران ..
كنت أفكر أنزل بنده , بس خلاص بطلنا بعد تدوينتك دي
Comment بواسطة ثامر الطويرقي — نوفمبر 4, 2008 #
مرام
شفت مدراء هنود لكن عمال نظافه سعوديين وين !
———
ثامر الطويرقي
كارفور و جيان أحسن من بنده و صاحبتها المخازن
أحسن لك ريح راسك
Comment بواسطة أفنان أباحسين — نوفمبر 4, 2008 #
بندة !!
يا عجبي .. أكيد بيحطون هندي .. لأن الهنود برأيهم أحسن من السعوديين بالإدارة !
الله يرحم الحال !!!!
Comment بواسطة محمد الصالح — نوفمبر 4, 2008 #
في اسعاد بنده انا اشهد
حراميه درجه اولى
صار موقف في رمضان مع زوج اختي
هو ما شرا شي الا قليل يمكن ما يوصل 80 ريال والاذان المغرب بيأذن
فقال له المحاسب 180
<< سرق 100 ريال
فقال له ابي تعيد الحسابات قال لا المهم طلب المدير وصارت سالفه
في الاخير رجع الفاتوره 80 ريال
و المحاسب اخذ اشياء من الاكياس بعد
سرقه عيني عينك ..!!!
Comment بواسطة حلمي معي — نوفمبر 4, 2008 #
عادي جدا
Comment بواسطة محمد بن سالم — نوفمبر 4, 2008 #
يا شيخه بنده أكبر نصابين
والدنيا غلى بشكل يبكي
قبل كم يوم اشتريت اندومي ولبنه وكم حاجه قليله الحساب طلع 120
أجل الناس اللي حالتهم الماديه سيئة ايش ياكلو ؟
Comment بواسطة صارخ بصمت — نوفمبر 4, 2008 #
محمد الصالح
شايف كيف ! للأسف !
اللهم آمين
—————
حلمي معي
يا ساتر
الحال ما عاد يمشي الا بتدقيق وراهم !
الله يعين
—————
محمد بن سالم
عادي جداً لأن هذي عوايدهم موب جديد !
—————
صارخ بصمت
الله يعين عليهم و على أشكالهم !
العالم اللي حالتهم الماديه سيئة
الله يكون في عونهم
Comment بواسطة أفنان أباحسين — نوفمبر 4, 2008 #
الله المستعان!
Comment بواسطة Alaa — نوفمبر 4, 2008 #
الموضوع يا إخوان مو وقف على كون المدير هندي ولا لأ
المنصب ماهو خطير علشان لازم ويتوجب على بنده إن توظف فيه سعودي ويمكن الهندي عنده خبره كبيرة لهالموقع ، المشكلة في الأسعار إللي أنا كمان لاحظتها ..
أين وزارة التجارة عن هذا الغش ؟
أين موقف إدارة بنده الوطني من هذا الخطأ ؟
Comment بواسطة خالد بن منصور الخنيني — نوفمبر 7, 2008 #
شوفي ياأختي حركة الاستغفال والمغالطة بالسعر مكن تصير بأي مكان مو بنده وبس قد صارت لي من قبل ومو في بقالة عامل المكتبة قال لي المجلة ب12 وأنا عارفة قيمتها بعشرةلاويوم قلت له شف السعرالمكتوب قام يتحلطم يقول يمكن غيروا السعر؟؟؟؟
Comment بواسطة ندى — نوفمبر 8, 2008 #
طبيعي لا تستغربين ..
جميع الأسواق الكبيرة زي بندة دائما يحطون المدير هندي ولا فلبيني ..
أما الخربطة بالأسعار يمكن هذي فكرة سرقية أقصد تسويقية يعني يلعبون علينا بالسعر الرخيص اللي على الرف ثم اذا جيت ومعك العربية المليانه تنصدم وتتكاسل ترجعهن وتحاسب مرغماً اخاك لا بطر ..
عش رجباً ترى عجباً
Comment بواسطة مساعد — نوفمبر 8, 2008 #
لاجديد عليهم ..
دايم الهندي آولى من المواطن ..
للأسف لا آفهم السبب ..
الله المستعان
Comment بواسطة missfo0fo0 — نوفمبر 9, 2008 #
طبيعي أن يحصل هذا إذا غابت الرقابة
ومن الطبيعي ردة فعل الموظف لأنه باخنصار
مو عارف أيش شغله
زي معظم الموظفين في السعودية
Comment بواسطة sirajallaf — نوفمبر 9, 2008 #
بنظل على هالحال ..ويمكن اردى
الله يعين بس
Comment بواسطة رائد — نوفمبر 10, 2008 #
يعني دحين حملتوا الهندي المسؤولية وحده?
فين صاحب بنده ذات نفسه ليه ماتلوموه? والا لأنه سعودي?
زعلانين ان المدير هندي والكاشير سعودي? طيب محد بيتخرج ويتوظف مدير على طول! طبيعي لازم يكون فيه تدرج في المناصب!!
Comment بواسطة asma — نوفمبر 10, 2008 #
للأسفـ أنا شفتـ .. !
الله يخلفـ .. ~
بعد كمـ سنهـ شبيصير .. ^^
Comment بواسطة maram — نوفمبر 13, 2008 #
Alaa
آمين
——
خالد الخنيني
ما حولك أحد
——–
ندى
صح كلامك ممكن بأي مكان
لكن بنده ملاحظتهم بزياده تقريباً في كل مره اروح لهم
——-
مساعد
ممكن!
من قال اتكيسل محد بيرجعها غير العامل تبعهم !
Comment بواسطة أفنان أباحسين — نوفمبر 15, 2008 #
missfo0fo0
شي يحز بالخاطر
آمين
——-
sirajallaf
للأسف
——
رائد
اذا ما حولنا احد راح نتوقع الأردى !
آمين
——–
أسماء
الملامه مو على الهندي على اللي موظفه
لو كان ما فيه سعودي ممكن يسوي هالشغلة كان اقول معاه حق !
لكن الشباب بعضهم متخرجين و بشهادات تأهل للمهمه !
وش المشكله لو دربوا مواطن و مسكوه الشغله !
———
مرام
آمين
ربنا يستر
Comment بواسطة أفنان أباحسين — نوفمبر 15, 2008 #
والله أنا أحب بنده لأن التصميم والتقسيم حقها احسن من كافور وجيان ..
وأكره المخازن جدا ايضا بسبب التصميم
أما الاسعار فحدث ولا حرج
وأكثر ما يستفزني انهم يستخدمون الهلل ولكن لا أحد يرد الباقي ..
والاستغفال لو تمت مناقشته (يعطيك علك بنص ريال)
يوم انكم ما عندكم هلل ليه تحطونهم!
Comment بواسطة ودّ — نوفمبر 15, 2008 #
السلام علكيم , ومساء الخيرات
هناك محلاتها مجرد دخولها يعتبر خطيئة بحق أنفسنا , وأتوقع أننا شعب يغيب ثقافة المقاطعة ..
قد يكون دفعك لريال واحد فقط في منتج / متجر يزيد اللبطجية بلطجة !
بنده محل مقاطعه من زمان , هيك من الله ثأراً لكرامتنا , خصوصاً وإن باقي لنا مليون سنة عشان نشوف كائنات حية لها علاقة بحماية المستهلك , وحماية المال العام !
- حكاية المدير الهندي سهلة .. الطامة الكبرى الآن أن هناك عمالة متخلفة تعمل لدى دوائر حكومية .. هيك سمعنا , وحنا نصدق على طال , طالما أننا في بلاد العجائب .
مدونة رائعة , مسددة دائماً .
Comment بواسطة علوش — نوفمبر 15, 2008 #
ظَننتُ أنِّي من كَتَب الموضوعَ لفرطِ تشابُهِ الموقف!
الأسعارُ تخْتلفُ في كثيرٍ من البضائِع؛ حتّى إذا أنْزلوا عُرُوض التخفيضات فإن سعر المَبِيع يخْتلِفُ عن السِعر الموجودِ على الرَّفِ أصلا ” أغلى طبعًا ” .. لستُ أدري لم يُكلِّفون على أنفسهم بكتابةِ الأسعارالرفوف ..!
Comment بواسطة ليلى؛ — نوفمبر 16, 2008 #
انتم ماعندكم ماعند جدتي بس شاطرين بالكلام الفارغ
Comment بواسطة خبير بندة — مارس 2, 2009 #
صحيح كل الكلام اللي قلتوة عن بندة
ا انا وبصفتي كاشير ببندة يجيني سب وكلام .. اذا اختلف السعر جاء وقال ذاك الكلام اللي يرفع ضغطك طيب انا وش ذنبي انا اللي مسعر الأسعار ولا أيش انا شغلتي كااشير احسب فقط الأسعار وماالي دخل بس نسااير الزبون وناادي المشرف ويقعد يتفلسف علية المشرف هذا خطاء من الكااشير << يرحملي امك الكااشير وش دخله اذا هو يمرر البركورد على الجهاز ويطلع السعر وهذي حاالاتنا الخطاء داايم راكبرنا
بس والله مره اذكر زبون دلخ << يعني غبي … جاء عندي وحاسب أغراضه والله ماتسواءكان معه ملاعق أكل ممكن عددها 12 حبة ومررتها بالجهاز طلع سعرها 60 ريال << ركز ملاعق المهم طلع أحسابه 165 ريال ناظر السعر استغرب اشوي وبعدها عطاني الحساب قلتله إصبر انت كم شايف سعر الملاعق في الرف قاالي : 12 ريال قلتله انا سعره عندي بـ60 ريال طبعآ انهبل الرجال << انا قلت بنفسي الله لايبلانا يااخي وش اللي مقروش امك وجااي لبندة يااخي عندك ابو ريالين أطلق من بندة بمليون مره على اقل اسعار ابو ريالاين أسعاره ثاابته ولا يمديك تكاسره << يعني ينزل من السعر
<< يحس انه طول الهرجة
المهم ابي اعلمك شي انت اذا تبي تحااسب في اي مكان وطلع ختلاف في سعر شغله لاتلوم الكاشير .. لم اللي أكبر منه على قولتكم المدراء الهنود..
ولاتنسى الفاتوره ترا الفاتورا اهم شي لاتنساها في بعض الكاشيريه مايعطيك فاتوره وش مقصده قصده السرق وعلى مين على ظهر الزبون المسكين
Comment بواسطة كاشير في بنده — يونيو 13, 2009 #
الان الى جميع زبائن بنده عند اختلاف السعر عند الكاشير عن السعر الموضوع على الرف تحسب الاغراض على حساب الاغلاط وتوثق وتاخذ اغراضك مجانا
نضام جديد واما موضوع الهندي اغلب الفروع مدير السوق هندي لان الهندي قراراته صارمه ويستطيع ابراز سلطته للعمل. والف شكر
Comment بواسطة panda — يوليو 25, 2009 #
الأخ كاشير في بندة، كلامه صحيح.. الغلطة غلطة الكبار واللي ياكلونها الكاشيرية الصغار أمثالنا..
تشوف السعر على الشلف (الرف) وتجي عند الكاشير -المغلوب على أمره- فيطلع لك سعر مختلف في السيستم. الحين الزبون شموقفه ؟! بيبدا يصارخ على الكاشير وانت مزود علي وانت حرامي .. الخ من التجريح والكلام اللي ماله اصل من الصحة، لان الكاشير اساسا ما يدري كم سعر السلعة وهو يمررها على المكينة، اهو يعتمد على السعر اللي يظهر له في المكينة بعد قراءتها للباركود. واي خصم او تنازل منه في المبلغ فهو مخصوم من راتب هذا الكاشير <<< يااااااا مسكيييين.
وطبعا الكاشير هو الواجهة فكل المصايب اللي في السوبر ماركت فوق راسه، وكل الاسئلة والاستفسارات عن اسعار واماكن السلع موجهة له ، وكأنه يعلم بكل صغيرة وكبيرة في هذا الماركت ، وكأن الأسعار بيده والادارة كلها بيدها.
شي ثاني في قلبي يقرقرش ، ليش بعض الزباين -هدانا اللي واياهم- يتخانق مع الزبون، ويقول له الا تنزل لي النص؟!
طيب نص على نص ، ما تجي نهاية الدوام الا في الجرد عنده نقص 20 ريال، وكل يوم عشرين ريال يعني طار الراتب !!! (أويلي عليك يا مظلوم)
بالنسبة لحركة العلك (بديل النص): مرات الصندوق حق الكاشير ما فيه أنصاف ولا أي نوع من (الكوينس) ، المشكلة من المسؤول اللي حاط له الفلوس، هو وش يسوي في عمره عشان يرضي هالزبون (وهو مسكين أيضا)؟ مافي الا احد الحلين:
1: الزبون يرجع شي بنص ريال ولا يحتاج يشتريه
2: الكاشير يعطي الزبون علك
أو روحوا للادارة وتفاهموا معهم ، وارحموا هالمسكين المغلوب على أمره !!
Comment بواسطة كاشير المزرعة — نوفمبر 14, 2009 #