كلية الآداب بالدمام = ×

أكتوبر 17, 2009 at 7:35 ص | In شخصي, عام, محليات | 10 Comments
Tags:


الصورة مصدرها العم google و أضفت عليها × أحمر وش كبره

لأني حاقده بقوه على الكلية التعيسه



الأسباب كثيره الله يسلمكم إذا بكتب عن المواقف  أعتقد أحتاج دفتر

لكن بختصر لكم  اللي حصل السبت الماضي

سبب الروحه إن إختي بتستلم وثيقتها

كان أول يوم دوامات رسميا و البنات يضبطون جداولهم

‫ نزلنا في البوابه اللي بالمعتاد للطالبات فجأه يوم دخلنا قالت لنا هذي صارت خاصه بالموظفات طيب دخلينا و نطلع من بوابه الطالبات لا‬

‫طبعا انا ما لي مزاجها و لا ابي أتهاوش معها ولا أترجى فيها مشينا

‫تخيلوا نص دوره مشي حول  سور الكليه في عز الشمس‬

‫حسبي الله عليهم

‫بالمعتاد أخلي السواق ينتظر لين اطلع‬

‫لكن لما قال فيني حراره بروح المستشفى قلت له مع السلامه

ولا فيه أحد‬ حولي ذاك الوقت

‫ ما مشينا كل هذيك المسافه مشينا نصها و من رحمة ربي

جتنا صديقة اختي  مع سواقها و كملنا المشوار‬

‫تخلف بتنقلون بوابه موب مع بدايه السنه‬

أو اكتبوا لوحه كبر قريح ان البوابه للموظفات عشان ما ننزل عندها

‬

أبوي لما دقيت عليه يرجعنا‬‬

‫يالله قدرت أوصف له‬

‫يعني من جد وقاحه بوابات وش كبرها للموظفات و البنات بوابه مخيسه و عليها أمه محمد‬

‫وصلت للبيت أحس ما فيني حيل أصلي ولا أسوي ولا شي‬

‫تقول لي امي كلي طيب‬

‫قلت ما فيني حيل آكل‬

‫تعبت كثير  يومها‬

‫و اللي تعبني أكثر و أكثر الزحماااااااااااات‬

‫تخيلوا كليه قابلين فيها أعداد هاااااااااااااااائلة‬

ما أدري كيف حاشرين الآداب كلهم في ذاك المبنى !!

‫ المشكله المبنى غبي‬

‫والله اني دخلت مع البوابه أدور  من  وين أطلع‬

‫حتى لما  لقيت أمن و سألتهم وين بوابه الخروج ما يدرون‬

‫كلن قاعد يمشي على باب الله‬

إذا فيه مكان ممكن ينقل الأمراض فهو هالكليه‬

‫تعرفون اللي زحمااااااااات لدرجه كل شوي تصدمون في أحد‬

‫و عند بوابه الخروج ما تشوفون الا العالم تدف :( ‬

‫تقول أمي الظاهر ولا الحج‬

‫قلت الحج على الأقل بأجره هذا بوشو‬!!

‬

‫كل شي يسوونه تخلف أكثر من الثاني‬

‫البنات ماخذين الأوراق يخلصونها‬

‫يقولون لها ما عندنا بطاقات مكتبه أساسا تقول

لازم تروحون و تسوون إخلاء طرف من هناك‬ !!

‫و لو سمحتوا وين المكتبه في المبنى القديم اللي صار كليه العلوم‬!!

‫الكليه الثانيه شبه فاضيه‬

‫بنات العلوم أقل بكثير‬

‫يفترض عشان الزحمات على الأقل يبقى قسمين او ثلاثه في المبنى القديم‬

‫لا‬

‬

‫طيب العكس علوم هناك بما إنهم أقل و الآداب يبقون بنفس المبنى لا‬

‫لأن العلوم صعبه ينقلون المعامل‬

‫مع اني ما ودي أحلف إن معاملهم قديمه و تحتاج تجديد‬

‬

‫و ما رضت الأمن تدخلني للعلوم‬

تقول هم بيسوون إخلاء طرف و أنتي ما عندك شي‬

‫ممنوع الزائرات‬

‫أقول في نفسي من زين كليتكم أزورها‬

‬

تحججت لها إني بستفسر من قسم الحاسب

طبعا ما تدري إن القسم خلاص ما عاد يقبل دفعات جديده

أحيانا جهلهم يمشي الأمور

(  رحت قسم الحاسب و سألت و قالوا خلاص القسم بيخرج الدفعات الحاليه و خلاص بيقفل ،  لكن المعلومه هذي أنا عرفتها مسبقا بس عن قولة إني رحت :) )

‫قالت لي وين إثباتك و عطيتها سجلي الأكاديمي اللي بالأساس ماخذته في شنطتي عشان شغله ثانيه‬

‫تشوفه و تقول أنتي أفنان‬

‫قلت ايه‬

‫تستهبل يعني لو شخص ثاني و معاه الورقه بيقول ايه افنان عشان يفتك من حنتكم‬

جد يسوون نفسهم أذكياء بس عجزوا

‫‫أقول لأختي إن شاء الله هذي آخر مره تجين هالمكان

ما أقول  إلا الله يعين اللي بيداومون فيها بعد شوي و تمر الأيام و تفتكون منها على خير

هالحلطمه كلها نزلت بطلب من الوالده و  سألتني من كم يوم  إذا نزلتها في المدونة أو لا

و الواضح إن خاطرها إني أفش خلقي شوي هنا

(  أمي تكره تعاملهم السيء و أنظمتهم الغبيه )

تعليقات »

خلاصة "RSS" للتعليقات على هذه التدوينة. عنوان التتبع

  1. الله يعوضنا ويعوضك خير, صراحة ما استغرب ابداً هذي طبيعة الحال في كثير من الأماكن عندنا الله يصلح الحال يا رب

    والله يحفظ لك الوالدة

    Comment بواسطة عبدالملك الثاري — أكتوبر 17, 2009 #

    رد

  2. عن ايش تتكلمين انتي كلية الاداب
    غاسلين يدها منها مافي امل تتغير ولا في امل تتعدل ولا في اي امل انها تطور
    كل سنة يزيد الغباء فيها :@

    Comment بواسطة مضيعه بيتهم — أكتوبر 17, 2009 #

    رد

  3. لم احمل لمكانا ذكريات مؤلمة بقدر هذه الكليه البائسة التي لا اعلم كيف امدني الله بالصبر وتخرجت منها
    الداخل فيها مفقود والخارج منها مولود
    بئسا للكليه وبئسا لطاقمها الذي تمر الاعوام ولا يرغبون بالتطور
    وواقلباه على من يضطر ان يدرس فيها فهي من أشد البلاء الذي يمكن ان يعيشه الانسان لمدة 4 سنوات ان كان محظوظا فهناك من تكون عدد سنواته اكثر من ذلك

    الله يهديك ياافنان ذكرتينا بكابوس قمت منه وه الله يفك من فيها

    Comment بواسطة سهى الموسى — أكتوبر 17, 2009 #

    رد

  4. بيرقراطيه

    في كل شي

    حتى بالكليات :(

    مصيبه وربي

    Comment بواسطة محاولة للخلود — أكتوبر 18, 2009 #

    رد

  5. رحتها مرة وحدة وكرهتها كره العمى ..
    ويوم شفت ادارتهم غسلت يدي منهم بقوووووووووة ..

    حرام تكون في الشرقية هذي الكلية واللي على شاكلتها ..

    Comment بواسطة ثامر الطويرقي — أكتوبر 19, 2009 #

    رد

  6. عبدالملك الثاري

    اللهم آمـــيـــن

    للأسف إن هذا الحال عندنا !! :(

    آمين و يحفظ لك غاليك يا رب

    …

    مضيعه بيتهم

    الموضوع نازل بناء على طلب الوالده ولا ما أملت عليهم واجد

    طبيعي ما نأمل عليهم و كل سنه يزيد الغباء لأن نفس العالم المعتقه هي اللي تخطط :(

    ….

    سهى الموسى

    الحمدلله إنك تخرجتي منها على خير

    ايه والله أرحم اللي يداومون الآن فيها

    اللهم آمين
    ربي يهدي الجميع
    سوري ما دريت ان البوست بيرجع لك ذكريات بائسه

    اللهم آمين

    …

    محاوله للخلود
    شايف كيف :(

    …

    ثامر الطويرقي
    يحق لك تكرهها
    ما سبق قابلت أحد يحبها
    و أشك إن كان فيه أحد يحبها أساسا
    ايه والله :(
    يا ليت من يسمع و يفتح لنا جامعات صاحيه

    Comment بواسطة أفنان أباحسين — أكتوبر 22, 2009 #

    رد

  7. :( كل الجامعات اللي عندنا تجيب المرض ،قوانين وانظمة اقدم شي في الحياة
    ناس عقولها متحجرة ماعندهم قابلية للانفتاح والتقبل لكن عاد الاداب بزود
    تخيلي ومع انها على بعد خمس دقايق من بيتنا مافكرت اني احطها ضمن رغباتي
    لاني جربت اخلاقهم وشفت معاناة قريباتي وصديقاتي ،من جد الله لايحط احد بين يدينهم…

    تحياتي انا& اختي

    Comment بواسطة أنا وأختي ... — أكتوبر 28, 2009 #

    رد

  8. تصدقين …يا افنان

    ما في احد يمدح هالكلية ابد

    والزحمة عليها في ازدياد

    ..

    لازمها ادارة جديدة
    ودماء جديدة
    وافكار جديدة

    …
    المشكلة مساحتها كبيرررررررررررررررة على الفاضي

    :
    الله يعين بنات الدمام ….

    وفقك الله

    Comment بواسطة هنا أنا..eyad — نوفمبر 3, 2009 #

    رد

  9. يااعســــــى ربي يرزقك الجنه على هالكلام .,.
    هالمخيسين تووهم مسووين لي نفس الحركــه التافهه زيي وجههمــ المفقعه .,.
    انا بالاساس مو من الدمــام وجايبني سواق بفلووس واهلي كلهمـ مساافرين ,,
    ومن بوابه لبوابه لا مو هاذي تبع علوم وانتي اداب ومن الاداب تقولي الى موظفاات روحي الكراج اللي يكرج شعرهاا ويحرقه ,.
    اخخخخخخ تفوو عليهمــ وعلى اللي يسجل عندهم ..

    اعذرووني يااعالم ووالله ماقول هالالفااظ بس لوحد يمر زي اللي مرينا فيه بيقوول اعظمــ ..
    حسبي الله عليهم كرررهوووني بالكليه ..

    Comment بواسطة هنووفه — نوفمبر 21, 2009 #

    رد

  10. أنا و أختي
    أوافقك الرأي
    للأسف إن هذا حالنا :(
    أحسن قرار تتخذينه في حياتك انك تبعدين عنهم
    المهم راحتك النفسيه قبل كل شي
    صح الجامعات الثانيه فيها حقها
    لكن الآداب بزيااااااده

    ———
    eyad

    ايه أصدق

    لأنهم ما خلوا شيء واحد العالم تمدحهم عليه

    أوافقك الرأي

    للأسف :(

    اللهم آمــيــن

    ويوفقك يا رب

    —–

    هنووفه

    اللهم آمــيـــن

    دعواتي لكِ بالمثل

    مررررررره معصبه منهم

    الله يعينك

    حسبي الله عليهم

    Comment بواسطة أفنان أباحسين — ديسمبر 7, 2009 #

    رد

أضف تعليقاً

XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <pre> <del datetime=""> <em> <i> <q cite=""> <strike> <strong>

المدونة لدى WordPress.com. | Theme: Pool by Borja Fernandez.
Entries and comments feeds.