الناس مبالغه في خطورة المرض الله يكفينا و إياكم شره و جميع الأمراض

لكن المستغرب انهم مكبرين الموضوع حبتين

( الاحصائيات توضح ان الوفيات من الأمراض الأخرى أكثر من عدد الوفيات لهذا المرض )

ما أقول لا تحذرون لكن لا تكون هي الشغل الشاغل !!

ما له داعي كل ما شفتوا واحد يعطس و لا فيه شويه برد على طول فسرتوا انها انفلونزا الخنازير !!

الأغرب إن فيه عالم الى الآن ودها نوقف حياتنا عشان ما ينتشر المرض

لا عمل ولا مدارس ولا اي شي ثاني

لو ربي كاتب يجيكم المرض بيجيكم لو قفلتوا على نفسكم بدال الباب عشره !!

و إذا بناخذ الأمر على إنه تجنب الزحمات فمن باب أولى ما نروح مستشفيات لأنها مجمع كل الأمراض !!

و عالميا أحسهم مسوين زحمات على مزاجهم

صح مرض و فيه ناس توفوا بسببه لكن

أضعاف الأضعاف توفوا شهداء في غزه  وين جهدوهم العالميه في هالموضوع !؟

ولا الدم العربي و الاسلامي رخيص ؟!

كتبوا في ذات الموضوع

أختي و انفلونزا الخنازير

عقول الخنازير

]]> http://abahussain.wordpress.com/2009/11/02/101/feed/ 9 أفنان أباحسين http://abahussain.wordpress.com/2009/10/17/100/ http://abahussain.wordpress.com/2009/10/17/100/#comments Sat, 17 Oct 2009 04:35:30 +0000 أفنان أباحسين http://abahussain.wordpress.com/?p=693 ]]>

الصورة مصدرها العم google و أضفت عليها × أحمر وش كبره

لأني حاقده بقوه على الكلية التعيسه

الأسباب كثيره الله يسلمكم إذا بكتب عن المواقف  أعتقد أحتاج دفتر

لكن بختصر لكم  اللي حصل السبت الماضي

سبب الروحه إن إختي بتستلم وثيقتها

كان أول يوم دوامات رسميا و البنات يضبطون جداولهم

‫ نزلنا في البوابه اللي بالمعتاد للطالبات فجأه يوم دخلنا قالت لنا هذي صارت خاصه بالموظفات طيب دخلينا و نطلع من بوابه الطالبات لا‬

‫طبعا انا ما لي مزاجها و لا ابي أتهاوش معها ولا أترجى فيها مشينا

‫تخيلوا نص دوره مشي حول  سور الكليه في عز الشمس‬

‫حسبي الله عليهم

‫بالمعتاد أخلي السواق ينتظر لين اطلع‬

‫لكن لما قال فيني حراره بروح المستشفى قلت له مع السلامه

ولا فيه أحد‬ حولي ذاك الوقت

‫ ما مشينا كل هذيك المسافه مشينا نصها و من رحمة ربي

جتنا صديقة اختي  مع سواقها و كملنا المشوار‬

‫تخلف بتنقلون بوابه موب مع بدايه السنه‬

أو اكتبوا لوحه كبر قريح ان البوابه للموظفات عشان ما ننزل عندها

‬

أبوي لما دقيت عليه يرجعنا‬‬

‫يالله قدرت أوصف له‬

‫يعني من جد وقاحه بوابات وش كبرها للموظفات و البنات بوابه مخيسه و عليها أمه محمد‬

‫وصلت للبيت أحس ما فيني حيل أصلي ولا أسوي ولا شي‬

‫تقول لي امي كلي طيب‬

‫قلت ما فيني حيل آكل‬

‫تعبت كثير  يومها‬

‫و اللي تعبني أكثر و أكثر الزحماااااااااااات‬

‫تخيلوا كليه قابلين فيها أعداد هاااااااااااااااائلة‬

ما أدري كيف حاشرين الآداب كلهم في ذاك المبنى !!

‫ المشكله المبنى غبي‬

‫والله اني دخلت مع البوابه أدور  من  وين أطلع‬

‫حتى لما  لقيت أمن و سألتهم وين بوابه الخروج ما يدرون‬

‫كلن قاعد يمشي على باب الله‬

إذا فيه مكان ممكن ينقل الأمراض فهو هالكليه‬

‫تعرفون اللي زحمااااااااات لدرجه كل شوي تصدمون في أحد‬

‫و عند بوابه الخروج ما تشوفون الا العالم تدف ‬

‫تقول أمي الظاهر ولا الحج‬

‫قلت الحج على الأقل بأجره هذا بوشو‬!!

‬

‫كل شي يسوونه تخلف أكثر من الثاني‬

‫البنات ماخذين الأوراق يخلصونها‬

‫يقولون لها ما عندنا بطاقات مكتبه أساسا تقول

لازم تروحون و تسوون إخلاء طرف من هناك‬ !!

‫و لو سمحتوا وين المكتبه في المبنى القديم اللي صار كليه العلوم‬!!

‫الكليه الثانيه شبه فاضيه‬

‫بنات العلوم أقل بكثير‬

‫يفترض عشان الزحمات على الأقل يبقى قسمين او ثلاثه في المبنى القديم‬

‫لا‬

‬

‫طيب العكس علوم هناك بما إنهم أقل و الآداب يبقون بنفس المبنى لا‬

‫لأن العلوم صعبه ينقلون المعامل‬

‫مع اني ما ودي أحلف إن معاملهم قديمه و تحتاج تجديد‬

‬

‫و ما رضت الأمن تدخلني للعلوم‬

تقول هم بيسوون إخلاء طرف و أنتي ما عندك شي‬

‫ممنوع الزائرات‬

‫أقول في نفسي من زين كليتكم أزورها‬

‬

تحججت لها إني بستفسر من قسم الحاسب

طبعا ما تدري إن القسم خلاص ما عاد يقبل دفعات جديده

أحيانا جهلهم يمشي الأمور

(  رحت قسم الحاسب و سألت و قالوا خلاص القسم بيخرج الدفعات الحاليه و خلاص بيقفل ،  لكن المعلومه هذي أنا عرفتها مسبقا بس عن قولة إني رحت )

‫قالت لي وين إثباتك و عطيتها سجلي الأكاديمي اللي بالأساس ماخذته في شنطتي عشان شغله ثانيه‬

‫تشوفه و تقول أنتي أفنان‬

‫قلت ايه‬

‫تستهبل يعني لو شخص ثاني و معاه الورقه بيقول ايه افنان عشان يفتك من حنتكم‬

جد يسوون نفسهم أذكياء بس عجزوا

‫‫أقول لأختي إن شاء الله هذي آخر مره تجين هالمكان

ما أقول  إلا الله يعين اللي بيداومون فيها بعد شوي و تمر الأيام و تفتكون منها على خير

هالحلطمه كلها نزلت بطلب من الوالده و  سألتني من كم يوم  إذا نزلتها في المدونة أو لا

و الواضح إن خاطرها إني أفش خلقي شوي هنا

(  أمي تكره تعاملهم السيء و أنظمتهم الغبيه )

سبق كتبت موضوع عن التطوع

لكن الأمر زاد عن حده

مركز  يستغني عن جزء من موظفاته و يفتح باب التطوع خير !!

العالم تسألهم التطوع منتهي بالتوظيف ؟ يقولون لهم موب أكيد

و الأكيد  إنهم ما لهم أدنى نيه بتوظيفهم

الهدف ( توفير رواتب موظفات و استغلال المتطوعات)

و الأدهى و الأمر يفرضون عليهم دوام الموظفات العادي أو أكثر !!

ودي أعرف وين وزاره العمل عنهم !!

من يوقف هالمهزلة ؟

أسأل الله بمنه و كرمه أن يجعلنا من المقبولين في شهره الكريم

كل عام و أنتم بخير

كل رمضان وأنتم إلى الله أقرب

مبارك عليكم الــشــهـــر

أدعوكم لسماع البودكاست

أسأل الله أن يتقبل الصيام و القيام و الدعاء

هذا الصيف كنت ضمن فريق وجهه التطوعي في تنظيم اصنع مهارة

شهر حافل بدورات في مختلف المجالات بعض الدورات كانت متميزه  ( مثل : الجرافولوجي ) أما البعض الآخر مستواها عادي جداً

أما دورات تطوير الذات و التفكير الابداعي و التحفيز  لحد يسألني عنها لأنها مكرره فطبيعي حتى لو الدوره حلوه بتكون ملل كوني أحضرها أكثر من مره

وفيه دورات ما حضرتها كونها تتزامن مع دورات أخرى فما أقدر أحكم عليها مثل (التصوير) مع انه كان نفسي أحضرها لكن ما حصل

أكثر دوره كانت ممتعه و مفيده بالنسبة لي  ( صناعه الجمال في التصميم الداخلي ) قدمها المهندس بدر الحمود

أفادتني كثير خصوصاً إني لأول مره أحضر في هالمجال

ختام الدوره واحده من الحضور كانت جداً مبسوطة رغم حضورها لدورات مسبقاً لكن هذي بالنسبه لها كانت غير

شكرت المدرب و بعدها جت تشكر فينا لكن اللي مستحيل أنساه بيوم كلامها لنا

( لو اني ما شفت تعاملكم الطيب و ابتسامتكم في الدوره الماضيه كان ما تشجعت أحضر دورات قادمه ، ما ادري وش كانت كلمتها بالضبط بعد كذا‬ ‫لكن معناها مو مستعده أشوف وجيه مكشره أو كلمه قريبه من هالمعنى )

مره ذكرت الموقف و سُألت عن عمر الانسانه توقعوا فتاة في العشرين و تفاجأوا لما  ذكرت العمر التقريبي  ( ما أعتقد يقل عن 35 سنه)

لكن سبحان الله  كبر الانسان ولا صغر يحب إن العالم تتعامل معاه بطيب

و ابتسامه صادقه

آخر يوم في الدورات مر بسرعه رغم تواجدنا بدري و طلعتنا متأخر ( 10 م )

بعض المتدربات حضورا مجموعة دورات فخلاص صرنا  نعرف بعض و صرنا ربع الآن

آخر يوم أحرجونا العالم من كثر ما يشكرون

أتمنى أكون قدمت كل شي قدرت عليه و ما قصرت بأي شي

اسبوعين تقريباً مرت على ختام اصنع مهاره

افتقدت الجميع

قد نلتقي أو لا نلتقي مجدداً

لكن أسأل الله أن يجمعنا في الفردوس

عندما تتصدر موقع العطاء فالمتوقع يتبع الموقع، أما أن تكون في العطاء منارة فالأمر يتجاوز التوقعات، و هذا ما تحصده منارات العطاء بالمنطقة الشرقية سنوياً في تصدرها لأعمال الخير عبر برامج مختلفة تغطي احتياجات المجتمع و تصوغ فيه المعاني السامية و القيم الإسلامية قولاً و فعلاً.

ما هي فكرة التفطير الجوال ؟؟

نبعت فكرة التفطير الجوال لمساعدة سائقي السيارات والمتأخرين عن منازلهم لإدراك فضيلة تعجيل الفطر وتخفيف خطر حصول الحوادث المرورية جراء استعجالهم وذلك بتوزيع وجبات إفطار خفيفة عند إشارات المرور وفي طوارئ المستشفيات ، خلال شهر رمضان المبارك .

و فكرة التفطير الجوال بدأت كفكرة متواضعة وأدوات بسيطة حيث كان العمل في إعداد الوجبات بمكتب المنارات ثم انتقل إلى مسجد الخفرة وانتهى بإنشاء معمل متنقل سخرت فيه التقنيات الحديثة من سيور ناقلة ومعدات نقل وثلاجة تبريد ضاعفت عدد الوجبات المجهزة فبعد أن كان إجمالي الوجبات التي توزع 1000 وجبة في عام 1423هـ وصل العدد إلى 350,000 وجبة . ومنارات العطاء إذ تستهدف تطبيق سنة التعجيل في الفطور وتقليل الحوادث المرورية وفتح باب الصدقة للمحسنين في الشهر الكريم وإشاعة التكافل في المجتمع. تجعل نصب عينها شغل أوقات الفراغ عند الشباب حيث يلعب الشباب بما يمثلونه من طاقة متنامية .

الأعوام السابقة تشهد تزايد كبير من حيث عدد المتعاونين وعدد الوجات الموزعة على المستفيدين

منارات العطاء

تسجيل المتطوعين لمشروع رمضان المنارات 1430هـ

أسأل الله أن يكتب لكم الأجر جميعاً

تمنياتي لكم بالتوفيق دنيا و آخره

اليوم  كنت أشيك الفيس بوك و لقيت مجموعة مشترك فيها كثير

و منهم عدد لا بأس به من القائمة اللي عندي

ظاهرياً الهدف سامي و يحمل قيمة إسلامية

شيكت الرابط اللي مكرر في الصفحه بشكل كبير

للأسف المحتوى سيء !

ما  له أي علاقه بأهداف القروب المكتوبه  و الصور المعروضه  !

طبعاً الهدف الظاهر يناقض الهدف الباطن !

جماعة الخير اشتركوا على اعتبار هدفه السامي

وما أخفيكم إني مثلهم بدايةً اشتركت في القروب و سويت شير فيما يفتح الرابط

بعدها انصدمت بالمحتوى و ألغيت كل شي و حمدت ربي إني ما سويت دعوه للعالم

بعدها بدقايق استوعبت الموضوع

مباشره أرسلت لكل الأصدقاء اللي مشاركين في هالقروب عشان ينتبهون ويلغون اشتراكهم

حبيت أنبهكم زوار مدونتي الكرام حتى لا تقعون في الموقف ذاته

أي مجموعة افتحوا الرابط الموجود و تأكدوا من كافه المحتويات قبل

ما تشاركون أو توجهون دعوات

الله يحفظنا جميعاً

خلال الفتره الماضيه واجهنا عدة مواقف كلها تدور حول الكاميرا !

البداية إحدى النساء شافت كاميرا و سوت زحمااااات على ولا شي

الغريب إننا كنا ورا الحاجز كيف شافت الكاميرا ؟ ( قاطه عيونها ويانا ) !

عشان تتطمن فقط جبناها و استعرضنا لها الصور الموجوده !

موقف آخر  : كنا مشبكين الكام على الشاشه‬

‫بدون تسجيل فقط المدربه و تكون بشكل واضح  للكل‬ لأنه فيها تمارين

‫وحده سوت زحماااااات عشان الكام ‫و فهمناها إننا ما نصور فقط بث‬

‫قالت أدري لكن أنا مو مرتاحه لوجود الكاميرا و المتدربات معاهم جوالات كاميرا ! ‬

‫الكل تقريبا جواله كاميرا‬

الموقف الثالث : في دورة المكياج إحدى المتدربات يوم رسموا لها عيونها حبت إنها تصور الشكل

عطت بنت ثانيه الجوال و قالت لها صوري

جت بعدين وحده من البنات تقول لي انه في وحده بلغتهم إنه صار تصوير

ما فهمت من البدايه وش تقصد على بالي أحد صور الحضور

بعدين فهمت انه بس تصوير عيونها !

قلت لها طيب جوالها و مصوره عيونها هي حره ما علينا منها !

البنات يقولون انتبهي قلت ان شاء الله

شخصياً غير مقتنعه بالتشدد الزائد حول جوالات الكاميرا

‫لو شفنا وحده رافعته و شكينا انه تصور ممكن نتصرف‬

‫لكن عالم تكلم عادي ما نقول لهم شي‬

‫‫فيه عالم للحين عندهم فوبيا الظاهر من شكل الكام‬

‫مجرد وجودها معناها صورتني‬

يعني لو الواحد في باله يصور العالم بيجي عيني عينك و يصور قدامهم !

‫

يا ناس لو شفتوا أحد يصور لكم حق تتكلمون

لكن ما دام الأمور ماشيه على طبيعتها و ما فيه إلا العافيه

لو سمحتوا افهموا إن هذه مجرد تقنيات و احنا  نحدد استخدامها

و العالم ولله الحمد ما زال فيه خير

يبدوا أن الأخبار الجيده حول المبدعين مستمره

فريق Binbou Fighters

و المكون من

إياد السباعي

عبدالله كونش

أسامة زيد

حصلوا على المركز الأول على مستوى المملكة وتأهلوا بذلك إلى نهائيات العالم المقامه حالياً  في مصر

وذلك على مشروعهم Nobinbou

فكرتهم رائعه/ إنسانيه / تستحق التقدير

شرح مبسط عن فكرة مشروع كأس التخيل 2009

توجد المزيد من المعلومات حول المشروع على مدونة عبدالله كونش

طريقة التصويت

الموقع يطلب تحميل  Microsoft Silverlight

بعد  تحميل البرنامج و تثبيته

اتجه للموقع

انتظر تحميل الصفحة

حرك الصفحه للأسفل قليلاً تجد  شعار الفكرة و تحتها اسم السعودية

بعد اختيارها يبدأ عرض فيديو

تجد في الأسفل على الزاويه اليمنى  كلمة vote اضغط عليها

اعتقد لهذا التصويت تغيير بنسبة 25 %  في نتيجة النهائيات

تمنياتي للفريق بالمركز الأول عالمياً

يسعدني أن  أرى المزيد من إبداعات شبابنا في المرات القادمة

تمنياتي للجميع بالتوفيق