بدخل في الموضوع مباشره
الدوله الله يحفظها حطت مكافآت للطلبة الى هنا حلو
فيه كليات الله يعل العدو الى الآن ماشين على الكاش أو نظام شيكات أو فيه مشاكل على الحساب والبنت لازم تاخذ شيك
المهم الى هنا ماشي الحال
لكن اللي لاحظته في أكثر من كليه إن مأمورة الصرف معاملتها زفت ودايم عليهم شغل تصريــــف
و إذا جات وحده تكلمها حتى ما تتعب عمرها وتناظر فيها تكلمها وهي مشغوله و باسلوب ما أدري وش أقول عنه ليه تدفع من جيبها وأنا ما أدري!!!
ليه إن شاء الله البنات يطرون منك ولا وش السالفه !!!!
اليوم وحده من البنات راحت تبغى تستلم شيك أنواع المماطله تعالي الساعه
1 الا ربع ليه هالوقت الله أعلم جات وحده الا ربع ما فيه أحد وين مأموره الصرف في الكنترول يا سلام والبنات عادي منطقين في المكان ما عندهم شغل أصلا وجايين عشان ياخذون شيكاتهم بس وبعدين مأمورة الصرف اللي أعرفه المفروض تكون محلها وش موديها الكنترول غريبه والله ؟؟!!!
و آخر الكلام بعد طول انتظار تقول الموظفه اللي معاها والله الأغراض بدرجها ما أقدر أسوي لكم شي وهي مشغوله ما راح تجي
مع العلم إنه هالأسلوب مو أول مره يصير دايم
لين متى هذا حالنا ومتى يتعدل الوضع ؟؟؟!!!
من جد حاله
الله يصلح الحال
Afnan Abahussain 
المكافآت سواليفها وااااجد
مثلاً في شغلة تقهرني الطالب بعد مايعدي 4 سنوات في الجامعة يقطعون عنه المكافأة ، طيب قلنا مافي إشكال الخطة موضوعه للطالب أنه يخلص الدراسة في 4 سنوات ،طيب لما الطالب يبغى ينزل ساعات والجامعه ماتوافق له عشان مافي مواد أو مافي شعب كفايه ، الطالب أيش ذنبه ؟!! وايش ذنبه يتأخر وتعاقبونه بقطع المكآفأة وكأنه هو المتسبب
يعني شي يقهر بصراحه
ويقهر أكثر وأكثر لما يطلع واحد سخيف دكتور في الجرايد ويقول لازم نقطع المكآفأت عن الطلاب لأنهم مايحتاجونه
والله في طلاب يصرفون على أهلهم من المكآفأة بس في ناس (…..)
هلافنون يسلمو ياقلبوا على المدونه
^_^
واما بالنسبه للموضوع الصراحه ماقول اله الله يكون في عون بنات الكليه
الصراحه الشكوى لغير لله مذله
الحمدلله اني مو بالكليه خخخخ
والله يساعدهم على الدكاتره على قولتهم ؟؟ بس دكاتره واجد قولوا مدرسين اوكي لان الدكتور يعالج مو يمرض خخخخخخ
وبالتوفيق فنووون
حياك الله ماشي صح مرة أخرى في مدونتي المتواضعه
أتفق معك في رأيك أخي الكريم
والله حاسه بالمعاناة بس تعرف المثل اللي يقول (ما لك الا خشمك لو كان أعوج) والشكوى لله
عموما ما راح ياخذون إن شاء الله برأي استاذ ما عنده سالفه من هالناحية
هذا واحد أقرب ما أقول إن فيه حره على الطلاب و يتفلسف على الفاضي
من ناحية الناس اللي معتمدين على المكافاه و يصرفون على أهلم منها نادراً ما شخص يحس فيهم لأن أي مسؤول ما يجي في باله هالشي أو يجي في باله بس يستغبي أو يتجاهل
ما أقول إلا الله يصلح الحال
وإن شاء الله يتخرجون طلابنا وطالباتنا من الجامعات و يفتكون من المهزله هذي
هلا وغلا حياك الله بنت الجزيرة
الله يسلمك
آمين يا رب ييسر للجميع
الحمد لله (:
آمين يا رب هذولا دكاترة بالمعكوس لووووول
يسلمووووووو
زين إذا هي على النفخة …
فيه نسا تمر الشهور ولا يتسلمون مكافأتهم !!!
.
.
تحيتي
حياك الله يالخلوق في مدونتي المتواضعه
لا والله مو زين النفخه خير وين جالسين فيه لا يدفعون من جيبهم ولا شي الدوله الله يخليها اللي تصرف هالمكافأه
يا ساتر ليه ؟؟!! لو أنا مكانهم كان أجلس نشبه لهم مو عشان الفلوس بس كذا الله لا يحوجنا
ليس بمستغرب
اصلا من شروط الموظف الحكومي الذي يتعامل مع الجمهور ان يكون كئيب المنظر ، شاحب الوجه ،مقطب الجبين ،يتصرف وكأنه يتفضل على المواطن المسكين أو الطالب الغلبان ، كانه هو الذي يصرف من جيبه الخاص جزاه الله كل خير ، اذا ابتسم فقد تسقط هيبته ، واذا قام بالعمل بسرعه فقط تتأثر رزته ،بالمختصر المفيد … يعطيك نموذجا مصغرا من ” مالك” خازن جهنم اعاذنا الله واياكم .
والمواطن المسكين لا يستطيع الاعتراض ،يسمع الكلام وينطق ويترحم على المرحمة ام كلثوم التي قالت يوما مستبقة كل هذا ” اشكيييك لمييين ، واقول يامييين ، .. ينصفني منك ”
الله عليك ياست
حياك الله في مدونتي المتواضعه
تعليق ساخر و جميل
لكن لكي نكون منصفين
أن 50% هم على هذه الشاكله
لكن اللي يقهر من جد إن دايم أي وحده وظيفتها في الصرافه تمام بهذه الصفات أو بنصفها على الأقل الظاهر فيها أساس مفاضله هالصفات
الله يستر والله
الله واكبر…
ليش الناس مااتعرف الابتساامه..
ليش العالم داايم …
كئيب…
هم ماايعرفون..ان أكبر مسببات الجلطاات ..وامرااض الضغط ..بسبب التكشيرة الروتينية العنيفة التي تصاااحب ..طخة الوجه ..وباستمرار..
بجد…اكره العالم الي كذااااااكرهم من قلب…
المفرووض اي شخص مسؤول ..صغير أو كبير
قبل ماايوظفونه..يسوووله ..عملية جرااحية لتعديل الحاااجب ..وزاوية الفم القائمة ..بالله مو كلااامي عين الصواااب …ياصديقتي الغالية ….
حياك الله في مدونتي المتواضعه يا نوره
ليه هذي ما عرفت لها تفسير!!!
يعني الابتسامه ببلاش (: لو بفلوس كان قلت خايفين يدفعون
ههههاي
تخيلي يسوون لهم كذا
ما أقول إلا الله يفتح على قلبهم