غير مصنف

ما أقول الا الله يهديهم

السلام عليكم ورحمة الله وبركاته

السالفه وما فيها إني رحت الخميس للراشد المهم زحمه مرررره و تجمع على النص و أصوات وحاله أحسب فيه شي خطير..

أنا داخل المجمع و أخوي تركني شوي وراح يشوف محل وبيرجع لي

قلت بلقي نظره إذا فيه شي خطر ولا شي يمين يسار بطلع برا المجمع وأدق على أخوي يجي لي هناك

 

المهم يوم ألقيت نظره إلا أنواع التصفيق والتصفير

تتوقعون ليه ؟؟!!

 

الجمهره هذي كلها طلعت المجمع مشغل النافوره ويطلع شعار مجمع الراشد ملون

طيب عاجبكم ما قلنا شي منبسطين من حقكم لكن ما تسوون هالسخافات

 

ولا كل واحد مبسوط على حاله واحد بعد كذا يقول شكرا (مصدق مصفقين له ) و الثاني يقول أنا اللي مشغلها لكم

 

عيب والله عيب يعني هذا تفكيرهم

اللي قاهرني عددهم كبير

 

كل واحد راز الوجه من صباح الله خير

الى نهاية اليوم دوام هو ولا كيف ؟؟!!

 

لو دوامه الرسمي ما أتوقع يداوم فيه كذا حتى إذا قالوا له خارج دوام!!

 

 

ما تشوف الا كل واحد داخل باللاب حقه ولا الجريده و رايح المقهى ومعاد يتحرك (طبعاً الهدف معروف ليراقب كل شارده ووارده ) الظاهر دافع للمقهى اشتراك الطاوله محجوزه له طوال العام !!

 

طبعاً إذا ألقى نظره على اللي في يده كويس أحس بس شغل تمويه و إذا اللاب معاه يدور بلتوث مفتوح وحركات ما ادري وش تبي

طيب أذن الظهر والعصر وووو ما تحرك ليه إن شاء الله ؟؟!!

مجنون مرفوع عنه القلم !!

 

من جد قهر إن فئه من شبابنا هذي اهتماماتهم وهذا تفكيرهم

 

وما أقول الا الله يهديهم

 

وإن شاء الله ربي يصلح الحال

Advertisements

8 thoughts on “ما أقول الا الله يهديهم

  1. مرحبا بك اختي
    اول زيارة لى بمدونتك الرائعه وقلمك المميز واتمنى ان لا تكون الاخــــيـــر

    بصراحة مجمع الراشد دائما يصير هذا الشئ وكويس هالمرة صرخوا لان طلع شعار الراشد ملون بالعاده يصرخون ومافي شعار مجرد دخان يطلع وماي النافورة يتحرك وصوت الموسيقى لما تبدا عرض النافورة

    اصحاب العقول في نعمه

    بنتظار جديدك

  2. مراحب
    هلا فيك مضيعه بيتهم في مدونتي المتواضعه

    يا رب

    صح بس جد عددهم كبير يعني صار همهم توافه الأمور للأسف !!!

    بإذن الله (:

  3. مرحبا ..

    الفراغ يولد أكثر من كذا ؟؟
    طبعاً هالحالات بدت تكثير بشكل مو طبيعي في شبابنا

    الله يصلح الحال

    تحياتي

  4. سلام عليكم
    طيب ليه تتضايقون
    يمكن هاذي العالم اللي تصيح تجرب صوتها وتشوف في إرتداد ولا لأ
    وصحيح إنو الشباب من يومهم متخلفين… شوفوا البنات لمن إفتتحوا برج الفيصلية كيف أصواتهن تلعلع أخر العليا كل هذا عشان وحدة مع خوياتها صاحت صيحة وحدة وتحمس الشعب معاها وصار يعبر عما بداخله من أشاعير وحساحيس تخالجهم ومن هذا القبيل.
    واللي ودوه يتأكد يدور في النت ويلقى التسجيل والتصوير أيام الباندا يوم البنت كانت تكشخ فيه زي الأن الشاب مكشخ بااللاب وكذا مكمل الصورة مع واحد كراميل ميكياتو في ستار بكس على كورنيش الخبر.
    مرة شفت وحدة شايلة لاب توب في شنطته ومعلقته على كتفها والله تقولين طفل شايل شنطته من كبر الشنطة عليها، لو إنها شايلته في يدها أحسن لها

    دمتم بود

  5. الخلوق حياك مجدداً

    الله يزيدك من فضله يا رب

    أفضل وقت لي الخميس الصباح لأنه غالباً عوائل مو حرص على الراشد لكن للأسف فيه محلات أحبها مو موجوده الا هناك ولا كان دورت مكان ثاني

  6. وعليكم السلام ورحمة الله وبركاته

    حياك فيصل في مدونتي المتواضعه

    ما أعتقد إن فيه عاقل ما يتضايق من هالشغلات

    شي يقهر والله تشوف و تسمع شباب و فتيات تصرفاتهم بهذا الشكل أو نحوه

    صدى؟؟!! ليه في كهف ؟؟!!

    صح ما شفت البنات في الفيصليه ولا أدري عن هوا دارهم لكن جد هالشي يفشل ويحزن بعد

    أسال الله أن يهدي الجميع لخير الدنيا والآخره

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s