لما أسمع عن معرض تقني أتحمس أروح له بصراحه لكن من جد صدمه معرض الاتصالات و تقنية المعلومات و تجهيزات المكاتب اللي كان في معارض الظهران الدوليه
اللي يقهر أكثر إنهم يقولون مصنف من حيث الأهميه بعد جايتكس
لما رحت قلت إن شاء الله يكفيني الوقت قبل لايخلص وقته
كان باقي ساعتين ونص
لكن لما دخلت اتفاجأت كم محل يوزعون إعلاناتهم يعني شغل تسويق درجه أولى
طيب معرض تقني المفروض على الأقل يعرضون منتجات ما فيه الا شركة أولومبوس تعرض بعض منتجاتها و أطلس وتبع بعض الظاهر بس و الباقي توزيع أوراق والسلام
قاعه المعارض نصها مغلق ما فيه محلات جايه
النصف الثاني محتله نصه أو أكثر شركة الاتصالات السعوديه لأنها نقلت نفس منصتها اللي في جايتكس دبي للمعرض
و شركة
i2
طبعاً لما بتسال عن أي جوال ما حولك أحد الظاهر حاطينها ديكور فقط
وشركة برافوا
و الباقي كلها شغل تسويق
و إن كان هناك مبيعات فيهم فهو شي ليس بالأهميه
بالله هذا معرض
أنا أصنفه من أفشل المعارض بصراحه ما عمري رحت معرض وصار كذا
يعني رحت معرض تقني قبل كذا وكان تنظيم لا باس به صح ماكان كبير بس استفدنا منه هذا ولا شي
الا إذا أحد يبغى الاتصالات السعوديه يردون عليه مباشره فهم موجودين هناك
نهاية المعرض كانت أمس
أتمنى مره ثانيه إذا سووا معرض يكون أرقى من كذا وأحسن
ملاحظه وأنا أضيع وقت خلصته في نص ساعه تقريباً
مع العلم إن نصهاعند شركة الاتصالات
Afnan Abahussain 
صباح الخير…
يشرفني انه اكتب للمره الثانيه 🙂
صراحه كلامك من جد في الصميم ..
بعدين انا اللي مستغرب منه .. من كثر شركات الاتصالات اللي عندنا عشان يحطون معرض لها؟؟ اذكر قبل كم سنه حطو معرض في الرياض عن كل شي يتعلق في النت والاتصالات والكمبيوترات (يارب تطلع جمع كلمه كمبيوتر صح) :))
تصدقين انه جميع الزوار كلهم راحوا لقسم النت والاب توبات ؟ وتركوا الشي الاساسي اللي هو الاتصالات؟
تشوفين شركه الاتصالات وموبايلي يهشون ذبان( مسطلح قديم يعني الفراغ)
وكل الزوار على اشتراكات الدي اس ال اللي عليها عروض والاب توبات المخفضه..
لحد ما انتبهوا اخر شي صاروا يقدمون خدمات الجيل الثالث ويخلون الناس يجربونها صار يجيهم شوي اقبال 🙂
(داري كلامي مو مرتب بس اتمنى توصل المعلومه) :)))
تدرين المشكله مو منهم بس صدقيني من الشركه المنظمه للمعرض؟؟! اكيد انها ما سوت حمله اعلانيه ولا روجت للمعرض عشان تجي الشركات ..
حنا لو نتعلم من دبي وكيف نتظم معارضها بينجح كل معرض نسويه .. لانه جميع المقومات موجوده ..
صالات وافراد وماده ولا يهون الحضور .. بس اعلام يقولون اول عشر زوار لهم لاب توب مجانا يتطاقون عند الباب ويكون ازحم معرض في العالم :)))
قبل كم يوم كان فيه معرض الكتاب في الرياض.. عشان تعرفين من غباء المنضمين حاطين بعض الايام مفتوحه يعني رجال وحريم :((
دخلت اول عشر امتار من الزحمه وانا رجال استحيت على وجهي ؟؟! خفت الناس تشوفني ادخل من بين الحريم يقولون هذا جاي يغازل ؟؟! لانه على بالي بحصل لي شي يستاهل لابس ومشخص على سنقه عشره (سنقه عشره يعني محد قدي) :))
رجعت وركبت سيارتي ويطالعني اللي عند الباب يقولي انت اسرع زائر جاء المعرض :(( مدري هو يتريق علي ولا كاسر خاطره 🙂
لانه شاف دمعتي حايره وسط عيني :((
هذي نقطه على المنظمين ؟؟
سالت شخص اعرفه من المنظمين للمعرض .. وقلت له ليه تحطون رجال وحريم مع بعض؟؟
قال لانه فيه حريم ما يجون الا مع رجالهم لانه رجالهم ما يبغونهم يدخلون المعرض واللي يبيعون في المعرض كلهم رجال؟
نقطه صحيحه ؟؟ بس اعمل حسابك للشي هذا ؟؟
شكلي طولتها صح؟
يسلمووو على الموضوع ..
واتمنى لك التوفيق يارب
أنا رحت للمعرض يوم الخميس
وتحسفت على الوقت اللي ضيعته فيه
للأسف الشركة اللي ماسكه تنظيم المعارض في معرض الظهران
شركة سيئة جداً جداً
والمعارض من سيء إلى أسوأ
ضروري الإدارة تتغير ونشوف معارض عليها القيمة
صباح الخيرات يا رب
يسعدني تشريفك لمدونتي مرة أخرى
طبعاً شركات الاتصالات ما عندهم شي يقدمونه جديد في المعرض ليه الناس تروح لهم وهو كلام فاضي ؟؟!!
أجل وش يقول للعالم عن dsl خطك ما يكون مشغول في هذي صادق و النت سريع مرررررررررررره و ما يقطع أبد في هذي من جنبها والله
أنت وحظك يا يصير تمام ولا يجنن الواحد و من اتصال على شركتهم ومزودي الخدمه وهلم جرا
وصلت المعلومه ..
للأسف عندنا كل الشركات الا من رحم ربي و منهم الشركه المنظمه لهذا المعرض الفاشل بكل المقاييس ما عندهم سالفه
باختصار
المشكله هم أول من يرز الوجه في جايتكس دبي ولا يتعلمون منهم ولا 1%
بالنسبه للمعرض لازم تكون فيه أيام مخصصه للعوائل لأنه بالفعل أغلب المعارض في أقصى الدنيا وين يروح الواحد لها بدون رجال صعبه لأنها تعتبر مخاطره
لكن في المقابل لازم يكون فيه وقت مخصص للرجال مثلاً يوم معين او فترة الصباح
الله يسلمك
اللهم آمين
ماشي صح
ضياع وقت بقوه
كل شخص أعرفه راح المعرض متحسف
معارض الظهران من زمان عنها بس تحمست يوم دريت إنه تقني على بالي بلاقي شي يسوى ما أقول الله يخلف
إن شاء الله مع إني أتوقع لين تتنفذ هذي الأمنيات يبي لهم 5 سنوات تدري التطور يزحف لين ياصل لنا
على طاري معارضنا انا مره حضرت معرض السنة قبل الماضية
اكاد اقول انه حراج
لا وجود لما هو مختلف عن السوق
انواع الفشايل
انت لقيت اللي تلقاه في السوق انا مالقيت الا محل واحد صاحي و الباقي اتوقع حتى الحراج احسن منه و أغلب المعرض ديكور
آه ثم آه
قسم بالله لو انا شخص أنظم معرض لحالي ما أرضى يطلع بهالمستوى
كيف شركة ! ما ادري والله وين عقولهم
تعبان على التنظيم اتعب صح ولا تتعب
اشك انهم يتعبون لأن ما فيه ادنى اهتمام
السلام عليكم ورحمة الله وبركاتة
انا وايد سعيدة بهلموضوع موضوع التنظيم واتقان هذة المهنة .
تنظيم المعارض ليس بالشئ السهل يحتاج الي ابتكار واتقان من الدرجة الاولي الان السوق مليان وفي العديد من الشركات الخاصة بالتنظيم المعارض . بسالكم سؤال كيف الواحد يطور نفسة اكثر بهذا المجال هل تعرفون اشخاص لديهم الخبرة الكافية وعندهم استعداد يعلمون اشخاص اخرين ياريت اتساعدوني الانها امنية عندي اني انظم معرض كبير متقن ساعدوني يتحقيق هذة الامنية واذا اي شخص عندة نفس الميول والاهتمام ياريت انتواصل بالايميل .
اختكم مريم
السلام عليكم انا مريم اسليمان كتبت تعليقي عن المعارض ورغبتي بالتواصل مع اشخاص لديهم الخبرة بس تسيت اكتب ايميلي:) ex_2008_2009@hotmail.com
مريم اسليمان
وعليكم السلام و رحمة الله و بركاته
أتفق معك إن الشغله مو سهله لكن بنفس الوقت مع الاصرار و المتابعه و الجدية راح يكون الوضع تمام
بصراحه شخصياً ما أعرف أحد عنده خبره كافية
ملاحظاتي من خبرة شخص عادي يدور في معرض تقنية
لكن لي اهتمامات تقنية (:
ممكن سؤال من أي دولة؟