أحلى مفاجأه

بحمد الله وصل أمس أبو سوسو للشرقية

ما خبر أحد إلا أخوي و بدوره طبعاً كتم الموضوع

ما خطر على بالنا انه بيجي قال لنا سووا لي عشا عازم الشباب قلنا اوكي فجأه قبل بساعتين قال يمكن يجون معاهم أهلهم تجهزوا ( ليه ما تكلمت بدري !! ؟؟؟) المهم تجهزوا و خلاص انا يوم شفت هالحركات النص كم حسيت الدعوه فيها مقلب لكن توقعت احد من اولاد خالتي ولا احد من خالاتي جاي من الرياض ما جا في بالي أخوي جاي من الخارج

 قلنا اوكي و بسرعه تجهزنا و انا أتجهز  الا اسمع اختي تصارخ من الفرحه زين ما وقف قلبها

طبعا اخواتي كانوا كلهم في بيتهم على 12م كلهم رجعوا لنا و الأطفال انبسطوا

قلت ليه ما قلت لنا قال ما خبرت احد حتى اهل أم سوسو ما يدرون نفس الحركه مسوين فيهم

لاقيته من كم يوم على المسن اقول له وش بتسوي في الاجازه على أساس من قبل قال ما راح اجي سوا نفسه ما شاف شي و انا مشيتها قلت يمكن مشغول او ما وده يقول الا بعدين براحته

 

سوسو ( عمرها سنتين و نص ) استنكرت في البدايه و بعدين انبسطت و ما ودها تطلع من البيت

ينشدون الأطفال سوسو جت سوسو جت و ترقص شوي صارت تنشد معاهم ( ما استوعبت انهم ينشدون لها )

كانت أحلى مفاجأه

الحمدلله على سلامتك يا أبو سوسو