طقوس المذاكره

ممرر من هذيان

مع إني من زمان عن الواجبات

س1: ما هو الطقس الذي تفعله عندما تذاكر؟

لازم هدوء ولا ما اعرف أذاكر

و الشي الثاني أقفل جوالي او احطه سايلنت و انساه أو بالعربي أتناساه 😉

أشيك عليه الليل مره ثانيه او الفجر لو فيه شي يبون أدري عنه

لأن ربعي إذا فيه شي ضروري جداً بيدقون على الثابت و بيطلبوني

طبعاً التموين لازم يكون موجود

و أهم شي الشوكلا لأني تقريباً ما يمر يومين على بعض بدونها في الفاينل تصير كل يوم لازم 🙂

س2: متى كان أصعب امتحان مر عليك؟

اذكر أصعب يوم كان عندي مادة تخصص و مع ثقل طينتها 😦

إلا إني درستها كامله و كانت هي أول فاينل عندي هذاك السمستر

وقدر ربي ذاك اليوم إني تعبت شي غير طبيعي

كان عز البرد

جتني فلونزا & حراره & بطني يوجعني ما ادري وش قصته = إني ما قدرت أتحرك من مكاني يومها و كان هذا كله قبل الصبح بساعات مع إني أخذت مضاد و خافض حراره  لكن يبي لها وقت لين تجيب مفعول

المهم جت 7 الصبح و انا مكاني يحاولون فيني اتحرك ما قدرت احس بكل اللي حولي لكن مو قادره اتحرك من التعب

آخر شي غبت و رحت للدكتوره و هزأتني 😦 قالت أصلا كيف تمتحنين فاينل وأنتي بهالحال

قلت لها عطيني عذر اليوم وبس

قالت تعالي بكرا و بعده و بعطيك عذر عن كل يوم

قلت يصير خير طبعا اذا فيني طلعه اروح امتحاني ابرك من ادوام عندها تعرفون الأماكن الحكوميه كم انطق من ساعه علشان عذر طبي 😦

س3: ما هو أطرف فعل فعلته أيام أمتحاناتك للهروب من المذاكرة؟

في أيام امتحانات العملي

أكون على جهازي و أشيك من موجود على المسن من ربعي فقط لمجرد الإطمئنان

ما أسولف مع أحد فقط

إحساس إن فيه ناس موجودين أون لاين