عام

على حسابي !

في أحد أيام الخميس كنا مجتمعين مع بنات العم

و بطبيعة الحال أخذتنا السوالف أم فيصل توهم يعدلون بيتهم مع ان النية من قبل ما تحمل و الحين البنت ولدت من فتره

استغربنا ليه ! السبب : هم بالجبيل و مشوار على ما يجيب زوجها الأغراض

الحمد لله أبو فيصل جاب الأغراض باقي العمال يجون يضبطون

فجأه الإسمنت ناقص!؟

إلا يدق جارهم يعطي خبريه انه أخذ كيسين اسمنت

اللي أعرفه إن اللي محتاج شي يستأذن مو ياخذه و يعطي خبريه

أثاري السوالف أكثر من كذا

مره البنت بتروح الدوام الصبح الا بنت الجار تدق مليون اتصال و أم فيصل مشغوله

تقول رديت عليها أحسب عندها شي ضروري

أثاري ما عندها سالفه

تبغى عدسات !

نعم من متى العالم يسلفون عدسات ! صرفتها طبعاً

مره داقه تبغى حلق أحمر

تم تنفيذ الطلب

طيب بعيد عن الوقت الزفت اللي متصله فيه و هم راجعين

تقول ما دريت الا تقول الحلق ضاع كأنها تقول نكته !

ما يخالف كل الثنين ضاعوا!! ما تجي

مره من المرات متصله عليها و مقلقه العالم بوقت غلط معليش يعني وحده متزوجه ما تتصلين بوقت متأخر والله عيب

جبن مورزيللا قالت لها انه مخلص

طيب قامت تتنقى طويلة العمر

على بالها فاتحين سوبرماركت

آخر شي قالت طيب وش عندك عشان تاخذه!

طبعاً تقول هناك أساسا البقالات توصل

و عندها اخوان غير ابوها

لكن تمر جيرانا أحلى

و الطلب الآخر ثلاجات انفجعت بنت عمي قالت كيف بتاخذينها هذي !

آثاري بلهجتهم يسمونها كذا و هي في الحقيقة حافظات الشاي و القهوه

طبعاً تبغى أكشخ شي قالت لها هذا اللي عندي

والله الفضاوه أساسا البنت في الجبيل أيام الأسبوع بس

من يجيها عشان تجيب أشياء كشخه !

طبعاً كل ما ذكر أعلاه يهون عن هذي

مره زوجها عنده إجازه و هي مرتبطه بنشاط صيفي

جاء عندها أخوها و زوجها راح الدمام

اخوها صغير شوي في المتوسط و شكله شوي طفولي

دق الجار العله على أبو فيصل يقول أشوف واحد داخل طالع من بيتك !

ما ادري حرامي ولا شي

معليش التلميحه هذي لشي أكبر بس ما عرف يصرفها

قاله هذا نسيبي

قال ايه صح شكله يقرب لك اشوفه يصلي الفجر معانا

حرامي مطوع ما تجي !!!

طيب يا ألقف خلق الله إذا غصب تعرف من اسأل الولد على طول

ولا دق على أبو فيصل و قل أنا يقتلني الفضول أبي أعرف من اللي في بيتكم

بلاش الحركات اللي ما لأمها داعي !

أعلق أقول لبنت عمي

ناس وجيهم مغسوله بكلوريكس

ردت علي و قالت

كلوركس فلاش ديتول العملاق الاخضر داك تايد بونكس واللي تبين

صح الجار للجار بس عاد استحوا شوي

و احترموا الجيران فيه شي يسمونه ذوق و أخلاق

لكن أظن عند هالعائلة موجود في أسفل القائمة

إن كان موجود من ضمنها أساساً

يا رب تيسر لأبو فيصل و ينقل

الله لا يبلاكم بناس مثلهم

Advertisements

26 thoughts on “على حسابي !

  1. استعجب كل العجب من أناس جعلوا اكبر اهتماماتهم مراقبه الناس !!

    من راقب الناس مات هما ؟؟

    انا أقول الله يعظم أجرك يا أم فيصل
    ونصيحتي انقلوا من بيتكم
    بالتوفيق

    الف شكر فنون

  2. آمين الله يعظم أجرها
    وين ينقلون المكان تبع العمل !
    يا رب ييسر و ينقلون مره وحده من الجبيل
    اللهم آمين
    العفو حبوبة

  3. فنونه .. الله يوسع صدرك بالعافيه
    صاير عندنا وعندكم خير …
    الشحاذه كاثره هاليومين ؟؟ تعرفين كل شي ظرب سعره
    بس تدرين احسن شي لمثل هالعينات طنشيهم ولا كأن أحد سامع ..
    بالله لي طلب عند ام فيصل قولي لها تحط خدمة إظهار الرقم وإذا طلع رقم الجيران الفضلاء ما ترد 🙂

  4. اللهم آمين
    وياك يا رب
    الله يعينكم جميعاً
    تذكرتك يوم تقولين سالفة البنت اللي ما لك فيها علاقة اللهم معرفه سطحية و داقة تسألك عن جوال زايد ! (الواضح انه روحه بلا رده ) لووووووول
    أكيد أحلى شي بالدنيا السفطيشن 🙂
    عندها هالخدمه بس تقول من كثر ما تدق أخاف فيهم مصيبة فأرد قلت لها موب لازم لا تردين ما فيهم إلا العافية 🙂
    و من نفسي أتوقع يمكن لو ما ردت أبد يتصلون على أبو فيصل و يألفون قصه
    إن زوجتك يمكن تعبانه !
    بس عموماً طلبك واصل بخليها تقرأ الردود 🙂

  5. ضحكتني تعليقاتك جداً …. صدقوا لما قالوا اسأل عن الجار قبل الدار…بس هالكلام كان أول لما كان الواحد يقدر يسكن أي مكان يجي على باله مو مثل هدي الأيام.

    🙂

  6. 🙂 دووم يا رب
    أوافقك الرأي
    للتوضيح بنت عمي ساكنه في مكان تابع للشركة اللي زوجها موظف فيها يعني ما أتوقع تنقل الا إذا سووا العمل خير و نقلوه 🙂

  7. ولو إنه بشارعنا نادر ما تلفي أحد يقول سلام عليكم لكن بصراحة مثل الجيران ما نبي عنهم ما صاروا جيران اذكر في حديث يقول انه ما يصير المسلم ينام وجاره يوعان لكن ما قال يبي جبنة موزيلا

    بالتوفيق امنيتنا نتخلص من حكومات لا للتنمية وكلمة وين العرب ونسينا الاسلام

  8. الله يصلح الأحوال يا رب

    ابشرك بعد مو لبيتهم
    مسويه فطاير بتوديها معاها الدوام و تبغى الجبة تحطها فيها !
    اللهم آمين

  9. هذي والله اللي ما تتصدق دنيا فيها ناس لا تعليق

    مرات احيي الشخص اللي صدره واسع ويتحمل لكن مع هالنوعيه ما اعتقد اسمحله يضحك معاهم ابتسامه توديه بداهيه

  10. للأسف إن هذي الحقيقة فيه ناس على بالها تتعامل كذا من باب الميانه ! المشكله انهم يمونون من أول يوم عرفوهم !
    ما أدري من سمح لهم يمونون نفسهم غصب !
    وش تسوي الله يعينها ساعات تعطي وجه و ساعات تصرف و المشكله ما يفهمون!

  11. يا ساتر !
    الله لا يبلاك بناس زيهم
    صح قلق بقووووووووووه
    بنت عمي مسالمة هي و زوجها
    أتوقع لو مكانها كان أحلى سفطيشن أشغله
    ولا أرد على اتصالاتهم أبد

  12. صحيح المثل اللي يقول (اللي اختشوا ماتوا) ..

    والله شيء ما يطاق , بس معاليش التعامل مع النوعيات هذي لازم يكون فيه شوية حزم .. مو معقولة قلة الأدب هذي ..

    :@

  13. صحيح
    أتفق معاك في كل حرف قلته
    أم فيصل قرأت الردود
    لذا أقول لها اعملي بالنصائح الوارده

  14. يؤؤ !
    فضيعييييييييين , الله يعينها ع ما بلاها و لا يبلانا ,من جد وجيههم مغسولة بمرق ..
    الله يعينها بجد .. !
    شكراً أفنان 🙂 ..
    دمتِ بخير , شموخ ..

  15. أعانهم الله .. مع ذلك الرسول صلى الله عليه وسلم وصى بالجار .. وكما يقول المثل الشعبي “الجار ولو جار” إذا الأمور ما تتعدى بعض الطلبات والتعديات البسيطة تهون!! أعتقد ان هذا أخير من جيران لا يسلم المرء من أذاهم ..

    مالهم الإ الصبر ..والله يعينهم

  16. آمــــيـــن
    ربي يجزاك خير على الدعوه الطيبة
    اللهم صلي وسلم على نبينا محمد
    لو على الطلبات البسيطه كان هانت لكن فيه أمور بصراحه فوق احتمال الإنسان !
    ربي يعينهم و ييسر لهم

  17. سبحان الله ..

    الناس أجناس ..

    يبي لها ردع هالبنت عشان تتأدب 🙂

    إذا هاريتها بالطلبات وآخرتها تلميحات مو عدلة ..

    الله يعينها بس ..

    الجار الصالح نعمة ..

  18. أنا أرى أنْ تسارع إبنة عمك وزوجها بشنِّ حربٍ استباقية,

    بحيث يهجموا عليهم يومياً , ويطلبون منهم ما

    يحتاجونه وما لا يحتاجونه,,, وهكذا

    مثل ما قال المثل ” تغذوا بهم قبل أن يتعشوا بك”

    يمكن ربنا يفرجها عليهم(بنت عمك وزوجها),

    ويحسوا(جيرانهم) أنّ الذي يفعلوه غلط وفضيع ومن قلة

    الأدب والذوق.

    :::::::
    :::::
    :::
    :
    على مافي القصة من ألمٍ وقهر ,

    إلاّ أنّ أسلوبك جعلها قصة فكاهية مضحكة ,

    أضحك الله سنكِ مثلما أضحكتني .

    تحيتي واحترامي .

  19. أتفق معك إن الوضع ممل و يزهق الواحد
    لكن الإنسان يرتقي ينفسه عن هالتصرفات
    ربي يسعدك دنيا و آخرة

  20. الله يعينهم
    هذا والجار قبل الدار
    بصراحه موقف لايحسدون عليه خاصة اهل الجبيل المدينة الميته اجتماعياً في نظري والتي لم ارتح بها يوماً واحد
    بصراحه في نظري ان ام فيصل غلطانه 4000%
    والسبب انها عطتهم وجه من البدايه
    انا وبكل صراحه ما اعرف جيرانا ولا ابغى اعرفهم والسبب هذه الامور
    والحمد لله مرتاحين راحه من هل جيره

    العموم نصيحه اتمنى ان يعيها الجميع
    الجيران في السابق بحسبت الاهل
    اما الان بنظري بحسبة الاعداء
    والسبب هم الدنيا وحبها بشكل غير طبيعي

  21. اللهم آمين
    الواحد يحاول يتأقلم مع اللي حوله
    في النهاية يبقى الانسان اجتماعي بطبعه
    صعبة ما تعرف أحد
    متشائم جداً انت
    صح فيه جيران ما ودك بجيرتهم
    في المقابل فيه جيران طيبين
    ربي ييسر لك الخير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s