عام

هواية سخيفة

قبل كم يوم أختي ماخذه سوسو لأركان الأطفال في قافلة الخير

كانت مأمله إنها تنسبط

لكن اللي حصل البنت تضايقت مع الحر و مستحية  تقول شي مع الزحمات

إضافة لكذا و اللي خربها على الآخر و حده من البنات أعتبرها سخيفة بما تعنية الكلمة من معنى

تزهق فيها و تنرفزها بأسلوب همجي !

( ما لي مزاج أكتب السيناريو )

آخر المطاف

تقول لها اختي أبعدي عنها

ردها البايخ انا هوايتي أشوف الأطفال يصيحون !

طبعاً رد اختي لها : الظاهر بعد شوي انتي اللي بتصيحين

اللي لطف الجو شوي جية وحده من البنات

بدال ما تكلم الكبيرة حست الظاهر انه الأفضل تتفاهم مع الطفله

قالت لسوسو “ما عليك منه هذي تعبانه به حراره”

خواتي يوم شافوا انها ما انبسطت دقوا على أبوها ياخذها

من يوم ما ركبت السيارة تقول لأبوها صح سوسو حلوه و جميله مله ( مره ) قال لها ايه

ابتسمت و نامت 

أمحق هواية  أول مره أصادف نوعية كذا

اللي أعرفه العالم يكسر خاطرهم الطفل اللي يبكي مو العكس !

الأمر الآخر من متى الميانه على أطفال خلق الله !

Advertisements

15 thoughts on “هواية سخيفة

  1. هذي عندها تصحر في جينات العاطفة الفطرية تجاه الأطفال 🙂

    من جد .. امحق من هواية

    والله شكلها تستخف دمها مرة .. ترى فيه ناس كثير زي كذا !!

    الله يعافيهم ولا يبلانا

  2. يبدو لي ذلك
    حلوه سالفة التصحر في الجينات
    يفترض الواحد ما يستخف دمه على الغريب بأي حال من الأحوال
    اللهم آمين
    شكراً لك

  3. هلا أفنان..
    شكلها تمزح، بس ياشين المزح الثقيل
    الله يعافيها ولا يبلانا..
    —–
    تحت السطر:
    حسافة شكلي مالحقت على سوسو 😦

  4. صارخ بصمت
    مو المسأله حر هذي طبيعة الإنسانه كما فهمت !

    ديم
    للأسف إنها ما تمزح و المزح مع طفل عمره 3 سنوات مو بهالطريقة !
    اللهم آمــيــن
    ______

    لا تتحسفين
    كان يوم غير لقائنا
    ذكريني إذا تقابلنا في مكان ما يحتاج تبديل شرايح
    الصور في جوالي الأصلي 🙂

  5. هههههه

    تصدقي يا أفنان ،، لما اشوف طفل صغير و لذيذ و دمه
    عسل و حليوه

    أحب أجر خدوده لين ما يبكي و أول ما يبكي أرتااااح

    هههه ،، و من الحب ما قتل !

    بس بعدين اسكته و أراضيه و اجيب له بنبوني
    و احضنه ،،،

    و مااعتقد اني سخيفه هههه

    طبايع البشر تهلووووس ،،

    بجد خليتيني أضحك ^_^

  6. لا تخافين ما أعتبرك سخيفة
    لكن معليش ما أقدر أجاملك 🙂
    طريقتك شوي دفشه و بعدين ترجعين رحومه
    لكن تبقى أرحم من هذي
    السيناريو اللي ما كتبته يتضمن الكثير
    من السيئ جدا أن تتلاعب بمشاعر العالم
    فكيف بطفل في الثالثة من عمره !

  7. حرام عليها وش هالقساوة،أنا أعرف الناس الطبيعية تحب تشوف ضحكات الأطفال وبراءتهم وينكسر قلبها يوم تشوفهم يصيحون مو تكون هوايتها تصيح الأطفال،الله يعينها على نفسها ويعين الطفل الي يطيح بين يديها .

  8. هههههههه عادي أنا صادفت هدي الحالة
    وحدة من زميلاتي تنبسط على زعيق أولادي بس تطفشهم 😀 بس عاد أنا أطنشها وأقول لها لو بكوا تسكتيهم! وبالفعل تروح هي تراضيهم بعدين 😀

  9. 🙂 ما أعتقد
    لأن أمر عن أمر يفرق
    لما تكون تمازحهم و تلعب معاهم غير كونها تتلاعب بمشاعرهم و تتعمد تأذيهم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s