عام

ناس فاهمه التطوع غلط !

التطوع شي حلو اذا كان المكان و الهدف يستحق

لكن اللي أستغربه العالم ماخذينه موضه

اذا تطوعت ودهم تكون معاهم على طول

من فتره حدث اتصال مع موظفه في مكان تطوعت فيه مسبقاً

أنتي ما توظفتي ؟

لا

وش رايك أكلم مديره المكان تطوعين معانا ؟ ( مسويه فيها واسطه )

قلت ما راح أتطوع اذا المكان يحتاجني و ما دام  عاجبكم الشغل تعرفون توظفون

ملاحظه:

( المكان هذا موظف كـثــيــر لكن كلها شغل واسطات + ميزانيتهم عاليه جدا

و لا يصرفون منها سنوياً ولا حتى 10 % )

الحقيقة اللي ما ودهم يفهمونها أو يسوون نفسهم أغبياء ما ودهم يخلون لها اعتبار

ما فيه شخص بيتطوع طول عمره بداوم ثابت يوميا

عاجبكم الشغل حافظوا على الشخص كموظف عندكم ولا بلاش طلبات

الأغرب إنه كان عندي مقابله وظيفيه من كم يوم مع شركه

الوظيفه المعروضه ( تسويق ) ما ناسبتني لذا رفضتها

عرض علي شغله ثانيه يفترض تكون بارت تايم قالوا لي اذا تطوعين معانا

خير ان شاء الله أعرف التطوع لجهات خيريه أو مؤسسات غير ربحيه

لكن شركة أساساً هدفها ربحي

جديده علي و لا لي نيه أسويها

عالم

Advertisements

33 thoughts on “ناس فاهمه التطوع غلط !

  1. ناس لاقيه عالم تبي تشتغل ببلاش
    حلو شغل التطوع كا بدايه
    يعني تكون فترة تدريب
    والواحد ياخذ خبره في البدايه ولا قعدة البيت

    بس يقعد طول عمره يتطوع
    هذه مصيبه

    🙂

  2. هههههههههه
    لقو موظفين ببلاش : D

    صراحة أتفق معك بحكاية انه الشخص المفروض يتطوع لجهات خيرية وغير ربحية زي ما قلتي
    بس برضو يقدر يتطوع لجهات ربحية بس عاد مو كل عمره ..!
    فترة بسيطة
    وهم اذا يبونه وعجبهم شغله المفروض يوظفونه
    موب يستربحون من وراه فور ايفر ببلاش ..!!! :S

    عالم : D

    الله يرزقك بالوظيفة اللي تسر خاطرك : )

  3. استغلال لحاجة الناس

    ايام العطالة والبطالة وهي فترة 6 أشهر تقريباً جاتني انواع العروض انه تعال تطوع للعمل بمستشفى كذا ولا كذا ويمكن يوظفونك لو اعجبهم شغلك

    مع انه هالمستشفى الأول انا مطبق عندهم 6 أشهر يعني يعرفون

    سلامات والله تبغوني اداوم كل يوم ببلاش ويداوم معي واحد يستلم 12 ألف

    لا من جد سلامات

  4. حلمي معي
    🙂
    تطوعت في أكثر من مكان مجموع التطوع 7 أشهر 🙂
    أعتقد انها كافيه و وافيه اني مداومه كل هالشهور بدوام يومي في جهات مختلفه
    و أتوقع فتره كافيه برضوا انهم يشوفون شغلي و أدري انه عاجبهم لكن للأسف العالم ودهم تطوع معاهم على طول ما ودوهم يوظفون!
    الآن صارت قعدة البيت أحسن لي من التطوع 🙂
    ————
    هذيان
    خخخخخخخخ 🙂
    أتطوع لجهات ربحيه إذا دخلت الشغله مزاجي بس ما تكون هالشغله اللي انا داخله فيها ربحيه أحس أظلم نفسي كذا ! ( كل الربح للشركه خير 🙂 )
    اللهم آمـــيـــن
    ربي يجزاك خير على الدعوة الطيبة 🙂
    ————
    مراد
    أنا أشهد
    ايه هم ما اسرع منهم في عروض التطوع لكن لما يجي التوظيف لو انك أحسن شخص يزهقونك في حال فكروا يوظفونك !
    مطبق عندهم
    خخخخخخخخ
    سلامات بقوه بعد
    ذكرتني بمكان كانوا يقولون حالك حال الموظفات
    قلت ايه حالي حالهم ما عدا آخر الشهر

  5. ههههههههههه

    وربي ضحكت .. تطوع لجهة تجارية ؟؟

    فعلا ناس فاهم التطوع خطأ في خطأ ..

    المصيبة عندنا إن الناس اللي تعمل في الجمعيات الخيرية كلهم متطوعين .. والناس اللي موظفة جالسة ونايمة !!

    فكر التطوع ممخلوط في أذهان الكثير عندنا ..

    🙂

  6. معك حق

    المشكله مو بس فاهمين التطوع خطـأ

    صار حتى التطوع يقبلون فيه ناس معينه

    يعني هو تطوع التدقيق والإنحياز لمــاذا ؟؟

    أقترح يحولوا التوظيف كله تطوعي 🙂

  7. الواحد يتطوع لكن مو كل الاماكن ينفع لها التطوع

    معليش احنا ليه دارسين عشان نتطوع لهم مثلا

    موفقه 🙂

    معليش مرره انقهرت من تصرفهم

  8. أحمد العلولا
    يحق لك تضحك و من قلب بعد 😛
    حقيقه اول مره أسمعها
    يوم قالت لي كذا وجهي علامات استفهام و تعجب !
    ———–
    محمد الصالح
    يحق لكم تضحكون كلكم
    وقتها كنت علامات استفهام و تعجب !
    بعد ما رجعت و استوعبت الموضوع صح
    قمت اضحك و اقول لأهلي آخر نكته 😛
    بالضبط أغلبهم ما عندهم شغل
    أزيدك من الشعر بيت يا ليتهم بس جالسين و نايمين و يتشرهون و يعطون أوامر بعد !
    أنا أشهد
    عالم يبي لها فورمات و داون لود من جديد لتفكيرها و أسلوب تعاملها بعد

  9. ماسة زيوس
    أكيد
    هو الأساس اللي خلاني أكتب هالبوست
    🙂
    ———–
    samaher
    مليت ولا عاد افكر أتطوع أبد
    الا في نطاق ضيق جداً جداً اذا كانت الفكره و المكان يستحق و المده تكون قصيرة
    أما دوام يومي مهما كان المكان ينسونها من جد 🙂
    إذا حولوه تطوعي العالم من وين تاكل !
    و الأموال تبقى لمن ! 🙂
    ———-
    أفنان
    مشكلتهم فاهمين الموضوع غلط ولا ودهم يفهمونه صح !
    في بالهم انتم جيل شاب المفروض تتطوعون !
    آمين – ربي يوفق الجميع 🙂
    هي وقفت على كذا نص التصرفات تقهر !
    هذا غيض من فيض 🙂

  10. على فكرة، فيه طريقة مختلفة بعد.

    وهي إن يتم توظيف شخص عنده مؤهل ويتم إعطاءه راتب لا يتعدى 1500 ريال ويعطوه شغل يستاهل على الأقل الراتب هذا × 2.5

  11. لعلمك فيه ناس حتى في الجامعة تتطوع تدريس عشان للتجربة .. وتشتتغل ترم كامل بدون راتب .. واذا جازت لهم بدوا بنظام الساعات وبعدها بسنتين يتم التعاقد الرسمي معها ..
    والجامعة جهة حكومية .. يعني من وين جا ذا البند الجديد مدري!!
    .
    .
    ربي يوفقك يا أفنان ويعطيك الخير ويرزقك الوظيفة الممتازة قلباً وقالباً وتكون مناسبة لك ..
    دعواتي لك 🙂

  12. نبيل
    الطريقتين كل وحده أسوأ من الثانيه لكن تبقى يعطونه أقل مما يستحق أرحم على قلبي من انهم ما يعطونه شي من اساسه !
    صدق استغلال لخلق الله !
    ————
    ود
    والله حاله !
    بس تدرين على الأقل في النهايه فيه أمل بالتوظيف
    أما هذولا متأكده لو تطوعتي معاهم طول الدهر ما عندهم مشكله ولا راح يفكرون يوظفونك لأن كل موظفاتهم بالواسطه
    اللهم آمين – ربي يوفق الجميع لخير الدنيا و الآخره
    تشكرات خيتو على الدعوات الحلوه 🙂

  13. هلا بك
    مدري ما ادهشني الموضوع تعرفين كل مره تجينا ظربه أكبر من الثانيه 🙂
    المسأله مو فاهمين التطوع غلط وانت الصادقه ما يبون يفهمون التطوع بالأصل

    لا تعليييييييييق

  14. هلا والله فنون
    بتموتين وانت متطوعه للأسف 😦
    الشركات للأسف سياستها تاخذ ولا تعطي ؟؟
    تبي تزيد دخلها وبالمجااااان !! خير ان شاء الله

    كلمه حق ..
    من فخر المكان تواجدك به

    دعواتِ لكِ

  15. شروق
    هلا وغلا والله
    خخخخخخخخ 🙂
    في هذي أنا أشهد ما يبون يفهمون
    ربي يعين على هيك ناس !
    —–
    عبير
    هلا والله و غلا
    للأسف !
    ما عاد أفكر أتطوع الا في نطاق ضيق جداً جداً
    اذا كانت الفكره و المكان يستحق و المده تكون قصيرة
    أما دوام يومي مهما كان المكان ينسونها من جد 🙂
    شفتي كيف ! خير بقوه!
    يا بعد قلبي
    و ربي ما عليك زود
    تشكرات كثيرات على الدعوات الطيبة 🙂

  16. هذه زيارتى الاولى لمدونتك .. جذبنى موضوعك .. لانى حاليا اعمل متطوعه .. لاجل فقط اكتساب الخبرة فاغلب الاماكن التى ذهبت اليها طلبت شهادة الخبرة فاجبرت على ذلك ..
    ومصيبة التطوع تعمل مثل عمل الموظف واحيانا اكثر بالنهاي ببلاش مااحلى 🙂

    تحياتى ونصيحتى لا تتطوعى 🙂

  17. ماعندهم سالفه ..
    🙂
    تطوع ومن وراه يكسبون دراهم لجهه ربحيه وتجارية .. يعني على أقل الأحوال لو أنهم يصرفون جزء من أرباحهم لجهه خيرية كان ممكن يكون ربع تطوع 🙂

    يرزق الله بأفضل منه إن شاء الله

  18. الحمد الله والشكر < تحب يدها وجهه وقفا D:
    أخاف هالشركه الربحيه يوظفوني شغاله عندهم على أساس تطوع ههههه

    من جد فيه اشياء كثير الناس قاعده تفهمها غلط

    وان شاء الله يارب اقرب فرصه وظيفية تكون من نصيبك (:

  19. بالنسبة لي شي يوجع القلب..!
    وشر البلية مايضحك..

    ان شالله تلقين الوظيفة اللي تناسبك وياحظهم فيك 🙂

  20. الأدهى من ذلك استغلال المتطوع وإثقاله بالمهام أكثر من الموظف الرسمي تحت شعار (اكتسب خبرة مجانا)..والحمد لله للحين مابعد فكروا ماياخذون عليها فلوس بدعوى انهم يؤهلون المتطوع للوظيفة..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s