failed to connect to a windows service

من فتره قريبه واجهت مشكله تقنية

تظهر لي الرساله التالية

لاحظتها بعد الأبديت الأخير لويندوز فيستا

النتيجه ان ويندوز صار محدود الصلاحية

ما أقدر أشبك نت حتى من الكيبل مباشرة  ولا أي شي صاحي بس برامج

حاولت أسوي استعاده للنظام حتى هذي ما لي فيها صلاحيه

اتصلت في الدعم الفني لــ مايكروسوفت السعوديه ما حولك أحد ترد علي أجنبيه ما تفهم ولا كلمه من اللي ينقال ( علما إني أكلمها انجليزي )  وفوق هذا تصارخ

ومن الحظ البايخ انه يوم خميس يعني ويكند ما فيه غيرها

انتظرت للسبت اتصل على الدعم الفني يرد علي مصري أحاول أشرح له المشكله يتفلسف وهو  ما عنده ما عند جدتي يقول لي وديه فني أجهزه يفحصه لك الويندوز سليم

و المشكلة هاردوير موب سوفت وير

لو انه بس النت كان قلت يمكن كرت الشبكه لكن الصلاحيات كلها متوقفه ما تجي !

حطيت موضوع في بوابة الانترنت الرقمية لمدة يوم ما لقيت رد

وفي نفس الوقت كنت أبحث في المنتديات العربيه و الأجنبيه بدون فايده

آخر شي و لله الحمد لقيت الحل في مدونة أجنبيه ( متعيجزه أدور الرابط من جديد )

بخطوات سهله ما تاخذ دقايق

ابدا start /  البرامج all programs / اكسسوارات Accessories /  كلك يمين على موجه الأوامر Command Prompt شغله في وضع الآدمن Run as Administrator  / اكتب الجمله التاليه “NETSH WINSOCK RESET CATALOG” / انتظر إلى أن ينتهي من العمل Wait until the end of the work /  أعد تشغيل الجهاز Restart your ‘PC’

أدرجته ربما أحدكم يبحث عن حل لذات المشكله

ربي يحفظ أجهزتكم جميعاً