خلال الفتره الماضيه واجهنا عدة مواقف كلها تدور حول الكاميرا !
البداية إحدى النساء شافت كاميرا و سوت زحمااااات على ولا شي
الغريب إننا كنا ورا الحاجز كيف شافت الكاميرا ؟ ( قاطه عيونها ويانا ) !
عشان تتطمن فقط جبناها و استعرضنا لها الصور الموجوده !
موقف آخر : كنا مشبكين الكام على الشاشه
بدون تسجيل فقط المدربه و تكون بشكل واضح للكل لأنه فيها تمارين
وحده سوت زحماااااات عشان الكام و فهمناها إننا ما نصور فقط بث
قالت أدري لكن أنا مو مرتاحه لوجود الكاميرا و المتدربات معاهم جوالات كاميرا !
الكل تقريبا جواله كاميرا
الموقف الثالث : في دورة المكياج إحدى المتدربات يوم رسموا لها عيونها حبت إنها تصور الشكل
عطت بنت ثانيه الجوال و قالت لها صوري
جت بعدين وحده من البنات تقول لي انه في وحده بلغتهم إنه صار تصوير
ما فهمت من البدايه وش تقصد على بالي أحد صور الحضور
بعدين فهمت انه بس تصوير عيونها !
قلت لها طيب جوالها و مصوره عيونها هي حره ما علينا منها !
البنات يقولون انتبهي قلت ان شاء الله
شخصياً غير مقتنعه بالتشدد الزائد حول جوالات الكاميرا
لو شفنا وحده رافعته و شكينا انه تصور ممكن نتصرف
لكن عالم تكلم عادي ما نقول لهم شي
فيه عالم للحين عندهم فوبيا الظاهر من شكل الكام
مجرد وجودها معناها صورتني
يعني لو الواحد في باله يصور العالم بيجي عيني عينك و يصور قدامهم !
يا ناس لو شفتوا أحد يصور لكم حق تتكلمون
لكن ما دام الأمور ماشيه على طبيعتها و ما فيه إلا العافيه
لو سمحتوا افهموا إن هذه مجرد تقنيات و احنا نحدد استخدامها
و العالم ولله الحمد ما زال فيه خير
Afnan Abahussain 
أحياناُ أكون بمكان نسائي وأبي أصور الأطفال أطفالنا حنا ماصورنا أحد ثاني لكن أعرف بتصير ألف مشكله والكاميرا أصلاُ راح تؤخذ مني عند باب الدخول . 😦
فـ من الأول أحترم نفسي وأتأمل باللقطات اللي جالسه تضيع علي والأطفال مب لازم يصير لهم ذكريات /=
وبنفس الوقت فعلاُ فيه ناس ينخاف منهم لو دخلوا الكاميرا بالأماكن العامه يعني المسأله معقده شوي !
فقط قليلا من الوقت ومن ثمَّ الكل يتأقلم على وجودها =)
لا اعرف متى تتتغير طريقة تفكير مجتمعنا للأسف ثقافة المجتمع ورود افعاله تجاه
التكنولوجيا الحديثة او غيرها من الظواهر تكون عادة بشكل مغاير لكل المجتمعات كانه على قولتهم فينا خرعه ويسون من الحبة قبة
الكاميرات وماادراك ماالكاميرات ودك تعاملين الناس على مستوى راقي وانه كل واحد يعرف حدوده لكن تحصل بعض التصرفات اللي تحسسك انه الناس يحتاجون دائما رقيب وحسيب وهذا مزعج ولا يحسسك بإرتياح بالتعامل
فالناس اللي بحالهم
يشملهم الاتهام والناس المعتدين هم اللي جايب لنا الصداع والحساسيه بالتعامل تجاه الكاميرا وغيرها من وسائل التكنولوجيا الحديثة وحتى نتجه للمجتمع بأتجاه راقي واعي لديه القدرة والمرونه في استعياب كل المستجدات يحتاح الناس بث روح جديده وهي الرقابه الذاتيه الفعليه وليست الخوف من العقاب او كلام الناس وان يتخلصوا من النفاق الاجتماعي فكثير من شرائح المجتمع لها حياتين حياة امام الملأ وحياة سريه يتخطي فيها الخطوط الحمراء
وعلى قول المثل المصري يخاف مايختشيش
دمتِ سالمه أفنان
مرحبا ..
هنـــاك تصرفات غبــيه جداً في مجتمعنا
لا أملك أنا وأنـت تهذيبها ..
لكن هناك حل ممكن اتخاذه ..
طنششش
بالنسبه لي شخصيا
لأ احب وجود الكاميرا ضمن الحضور
لأن وببساطه مللنا من مشاهدة الضوء يصطدم في أعيننا
والمشكله تكمن في مجتمعنا المتمدن الذي ما أن تخرج تقنيه إلا ويعاملها بأسوء ما يملك من ثقافه ..
فما الأرجل المشاهده في المواقع والأيدي ذات الأظافر الملونه إلا احد تلك النماذج
ثقـــافه لا يملكها غيرنا
🙂
للأسف تعرضت لهذا الموقف مرة والمشكلة أنها من وقفت أمام الكاميرا أثناء تصويري لتنهرني عنه !!
مع اني كنت أصور الأطفال ورغم ذلك لم يظهر حتى طرف اظفرها..:)
أحيانا أرى انّ لنا أحقية في الاعتراض خاصة انه هناك من لايعبؤون أبدآ على أنفسهم ويعممون ذلك على الآخرين..
لكن عمومآ ماعادوا يدققون كبدايات انتشار جوالات الكاميرا بل والكاميرات أيضآ 😉
جميل
شخصيا ً أرى إننا لا زلنا في المرحلة الانتقالية
يعني كلها فترة من الزمن وتنتهي الفوبيا هذه إن شاء الله ..
عموما ً .. شخصيا ً دائما ً أقول لصديقاتي لما يـُفتح الموضوع
إنه حتى لو مثلا في الكلية أحد صورنا أو شي ..
وانتشرت الصور مثلا ً ..
فاحنا حنكون في مكان علم ومحتشمات ومش قاعدين نسوي شي غلط .. !!
يعني حتى لو حصل وصار التصوير .. ما يحتاج كل هالخوف لأنه راح يبين إنه انتي مش قاصدة .. وانك في مكان محترم ومش قاعدة تسوين شي غلط .. فما أعتقد فيه أحد راح يحب يحتفظ بصور زي هذه 🙂
مجرد رأي ..
آآآآآآآآه يا فوبيا الكامرات
لو بأحكي المواقف اللي تصير لي يبغا لي كتاب
مره من زماااان كنت بمكتبة الملك عبدالعزيز عندي بحث
المهم جالسه قدامي حرمه
ومعي موبايل نسيت وش اسمه اللي كان كذا نص دائره
قديييييييم مره وكان هبة الجوالات الكاميرا والباندا وهالخرابيط
المهم كنت ارسل مسج فرافعته شوي ومانيحولها
شوي ويجوني السيكيورتيه ثنتين وهي تتبسم وتناظرني بوجه المنتصره
يجون يقولون لي هاتي الجوال
انا خفت قلت ليه @@
قالو تصورين
قلت مع وين اصور ما فيه كام
وقعدت سنة اقنعهم ان ما في كام , لانهم جايهم خبر انه احط بالجوالات كاميرا بس ما يدرون وش لون شكلها
بعدها حرمت اطلع جوالي علني بتجمع نسائي :S
صار عندي فوبيا ارسال مسجات بمكان عام :S
الله يطور عقولهن بالعافيه !
صحيح رغم انها خفت عن أول بكثيرررررررررر ..لكن تبقى موجودة وبقوة ..
الفوبيا اللي عندهم من ردة فعل أهلهم لما يعرفون عن صورة طلعت من هنا او هناك ..تلاقينهم ما عندهم يا يما ارحميني ..
فهي فوبيا جت من ثقافة ترهيب المرأة ..!!
ونفس ما قالت جاز , واذا صوروا في مكان نسائي يبقى صورة في مكان نسائي ما سوت شيء غلط !! الله يعين بس ونفتك من هالأشياء اللي صايرة بالمجتمع ..
اشوى اني مو حرمه
الى الان اظل شاابه
هههههههههههههههههههههه
من جد احس خلاص وين عايشين تفتيش جوالات وزحمه خلاص الى متى
صح في ناس تخوف
بس خلاص الي ناوي الشر بسويه
حريم حريم وما اقول الا الله يعين على الحريم <<< تحسين ان ابو عيال يتكلم وطفشان مو زوجته هههههههههههههههههه
أنا أختلف معك , لن أطيل النقاش و أكثر الكلام , و لكن أقول من لم يذق طعم الفضيحة يوما يتكلم بما لا يعرف , و إلي ايده في الماء ليس كمثل من يده في النار .
نسأل الله أن يستر علينا وعلى بناتنا و على بنات المسلمين .
الفوبيا هذي منتشرة بكل مكان ومبالغ فيها بشكل كبير
أنأ أتأزم نفسياً بالجامعة عشان جوالي كاميرا وممنوع ولو اتمسك معاي يسحبوه
أسبوع كامل.بصراحة أنا من عشاق التصوير وأحب ألتقط اللحظات الحلوة مع
صحباتي وبدون كام في الجامعة أو النادي أو اي مكان نروحه تضيع علينا لحطان
حلوة كثير وكله بسبب فوبيا التصوير
أتفق مع جاز في وجهة نظرها
..
لاشك أن التصوير أصبح شيئا مهما في حياتنا .. ولكن بما لايخالف الشرع