محليات · عام

من يوقف هالمهزلة ؟

سبق كتبت موضوع عن التطوع

لكن الأمر زاد عن حده

مركز  يستغني عن جزء من موظفاته و يفتح باب التطوع خير !!

العالم تسألهم التطوع منتهي بالتوظيف ؟ يقولون لهم موب أكيد

و الأكيد  إنهم ما لهم أدنى نيه بتوظيفهم

الهدف ( توفير رواتب موظفات و استغلال المتطوعات)

و الأدهى و الأمر يفرضون عليهم دوام الموظفات العادي أو أكثر !!

ودي أعرف وين وزاره العمل عنهم !!

من يوقف هالمهزلة ؟

Advertisements

13 thoughts on “من يوقف هالمهزلة ؟

  1. والله المفترض يا أفنان نفس المتطوعات يرفضوا هذا المبدأ
    في الأخير نفس المنشأة ستضرر وتفتح باب لقبول الموظفات ..

    بما أنها وجدت استجابة من المتطوعات
    هذا سيشجعهم أكثر ..

    الله يصلحهم

  2. يعني تشتغلين لمدة سنة كاملة بدون راتب @@
    سلااااااامات
    في الدول الثانية عندهم الفرق التطوعية الاحترافية وهذي اللى لحد الان ماوصلت عندنا :*) وان شاء الله توصل
    تعرفين ان ممكن تتطوعين لمدة 3 ساعات مقابل مبلغ مادي والسبب انك قمتي بالعمل على اتم وجه 🙂 وحتى لو كان مبلغ مالي رمزي المهم انك تاخذين حقك ..
    وفي بعضهم ممكن يقدم لك شئ رمزي بس شئ رمزي ذا قيمة ..

    ما اعتقد ان في هذا الزمن احد يرضى انه يتطوع لفترة بدون راتب الحياة صعبة ..

  3. فاهمين مبدأ التطوّع غلط 😐
    للأسف إن حتى لو اشتكى أحد، ما راح يتغيّر الوضع ويطلعون المشتكي غلطان!

    كل يوم اكتشف اشياء بالحياة عندنا تصدمني، اتوقف لحظه واقول “حسبي الله ونعم الوكيل”
    واكمل حياتي، لأن صعب الواحد يفتح صدره ويطلع اللي بقلبه بسهوله

    من رأيي كتابة إسم المركز حتى يتم تجنبه من قِبَل الكثير
    يُعتبر حل نوعاً ما

  4. مرام
    صحيح و للأسف
    ..

    فردوس
    صح كلامك
    لكن المكان مأملهم انه تطوع قد ينتهي بالتوظيف و هذا اللي مخليهم يقبلون
    أتوقع بيتعلمون الدرس هم و غيرهم لما يجربون !
    ..

    سلمى
    ما عندي فكره اذا وزارة العمل ممكن تحاسبهم أو لا !
    مثل ما ذكرت المكان مأملهم إن التطوع قد ينتهي بتوظيف
    ..

  5. مضيعه بيتهم
    بالضبط
    الخيار للمتطوعه: سنه او 6 او 3 او حتى شهر ( اللي يقدرها ربي عليه ) المهم عندهم ما يدفعون مقابل

    يا رب نوصل للي وصلوا له الدول الثانيه ( المتقدمه ) في شتى المجالات علميا او عمليا

    أنا ادري والله أدري
    لكن المهم هم يدرون و ينفذون هذا الشي
    لأن إذا دروا و ما نفذوا ما سوينا شي 🙂

    المهم يقدرونك حتى لو رمزي
    بعضهم الله يهديهم ما تشوفين منهم شي ولا تعامل زي الناس و لا حتى ورقه مطبوع عليها انك تطوعتي وياهم خلال فتره معينه تلاحقينهم عليها ملاحق !!
    (صارت لي بأول مكان تطوعت فيه أيام ما كنت أدرس الدبلوم)
    يا رب محد يطيح في عالم من هالنوع

    والله فيه ناس يقولون محتاجين خبره و عالم تقول أهم شي ما نجلس في البيت

    و الربع المذكورين مسبقا مثل ما ذكرت المكان مأملهم إن التطوع قد ينتهي بتوظيف و هذا اللي مخليهم يقبلون
    ..

    حنان
    بقووووه
    على كل ما ودهم يفهمونه صح و حتى لو فهموه ما راح يطبقونه لأن هالشي ما يناسب مخططاتهم

    ما عندي خبر لكن ما اعتقد الشكوى تجيب نتيجه مع هالأماكن الأفضل العالم تنتبه من حركاتهم ولا تعطيهم وجه

    يا عمري كل يوم بتشوفين أشياء و أشياء تنصدمين منها لكن الشكوى لله

    حسبي الله و نعم الوكيل

    ودي أكتب و يدي تحكني بعد اني اكتب اسم المركز لكن للأسف نشر الاسم ممكن يسبب لي مشاكل انا في غنى عنها
    هدفي ان العالم تنتبه لحركات الربع كم هذي و ما تسمح للأماكن اللي كذا تستغلها

    أغلب الأماكن عندنا في الشرقيه اللي تطلب تطوع و عندها موظفات يكون فيها استغلال

    لذا قررت ( نصيحه شخصيه للكل في الشرقيه و غيرها ) ما أتطوع مع أي جهه كانت الا كل فريق العمل متطوعات مثل منارات العطاء و فريق وجهه و غيرهم & المكان و الفكره تستحق أبذل جهدي معاهم

    اما عالم موظفه و عالم متطوعه ليه !!

  6. هذي المشكلة اكتشتفتها فعلا موجودة في كذا مركز
    واحد منها مركز ينفذ مهام حكومية كبيرة على مستوى المملكة , يجيبون لك أول شئ خريجات جدد و يقولون تدربوا عندنا كتطوع ثم نوظفكم برواتب عالية , طبعا بالنهاية لا جت فترة التوظيف يجيك الرد طاير :
    ” للأسف عندنا مشكلة بعقود التوظيف لكن استمروا معانا متطوعات ”
    بعض المتطوعات تصدقهم و بعضهم تتركهم , المشكلة أن فيه بنات تطير عليهم وظايف كثيرة مأملين على وظايف المركز . و هالمشكلة مستمرة لها أكثر من سنة .

    أتمنى من كل قلبي تتدخل وزارة العمل أو أحد له مسؤولية بخصوص هالشئ عشان يوقفون هالمهزلة خصوصا إن ضحاياها من الخريجات الفريش اللي توهم متحمسين .

    تدوينة موفقة يا أفنان 😉

  7. فراس
    أتفق معك إنه مو المفروض الواحد يظل فاضي
    لكن فيه أمور كثير ممكن الواحد يشغل نفسه فيها
    و يطور نفسه و إذا على العمل
    فيه مجال لأعمال تطوعيه في غير هالمراكز الاستغلاليه
    و ما كثر الله عندنا الا الفرق التطوعيه و نشاطاتهم طول السنه
    لكن ميزتها كامل الفريق تطوعي مو ناس تستلم و ناس تكرف ببلاش !!

    الهنوف
    الله يعين
    من واقع تجربه أغلب الاستغلال من الأماكن اللي وش كبرها و اسمهم معروف

    مو هم مستغلين العالم على أساس انه توظيف لكن الجد انه نيتهم مسبقا ما فيه توظيف ولو توظف أحد بتلقينه من طرف أحدهم

    ما عندي فكره إذا وزارة العمل ممكن تتدخل في امور من هالنوع
    لكن أتمنى يجي قرار بمنع التطوع في المؤسسات و المراكز و طقتهم و يكون مسموح فقط للفرق التطوعيه
    🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s