‫ناس تزرع فلوس !

من فتره قريبة كنت مع البنات شات جماعي و هبالي على المسن

afnan – S –A –Z – منيرة – أم فيصل

الرمادي تعليقات من جيبي

S & منيرة = بنات بريدة

أنواع المبالغات يقولون أشياء موب موجوده في بريده

مثال : كل المملكة حاسدينا على بريده والنهضه اللي فيها / ايه هين  🙂

ما يحتاج أحد يدور بريده على قوقل ايرث لأنها منوره بتدلكم على نفسها

أهلها غير الناس / وش يطلعون أجل ! 😆

يكفيك شوارعها المنظمه

هدوءها

أهلها المرتبين

الواحد يطلع من بطن أمه يطبق الإتكيت بحذافيره

يمكن أمه تقرأ عليه الكتاب وهو ببطنها

عاد احس جونا هذا الايام باريسي

اللي مو موجود الحين ببريده ما عاش الصيف إلى الحين

بريده سر الله في الكون

بريده جنة الله في ارضه

تعليقي لـــ Z

ترى لو تشوفين المواصفات حقيقه تحوم كبدك لوووووول

ادري والله

ايه بس

أصلاً يقولون الي مايطول العنب يقول حامض

أي عنب هو موجود عندكم!

عجبتيني يا فنو

أقول صبايا ما تلاحظون الثنتين هذولا بدوا يألفون و صدقوا تاليفهم

بقوووة

مررررة بزيادة

أخيراً إعتراف وحده منهم : 🙂

تصدقين من كثر الكلام حسيت إني مو ساكنه ببريده

اقول ترا بنت عمي معاي

علمتها عن سوالفكم تقول لي عطيهم بالمثل

و كتبت لي صفحه

قولي لهم ان اوشيقر فيها بطاريق

و فيها مطاعم عالميه

و ان التجار الاجانب يصيفون فيها كل سنه

والناس هناك يزرعون الفلوس

الريال يطلع  5   😆

و هات يا استهبال

الإعتراف الثاني من الأخت الأخرى 🙂

عن جد مادري ليه القصمان متعلقين بالقصيم وهي الله يرحم حالها

معليش مصخناها شوي بس سامحونا

وترى كلامنا عن بريده كله مزح 🙂