محليات · شخصي · عام

كلية الآداب بالدمام = ×


الصورة مصدرها العم google و أضفت عليها × أحمر وش كبره

لأني حاقده بقوه على الكلية التعيسه



الأسباب كثيره الله يسلمكم إذا بكتب عن المواقف  أعتقد أحتاج دفتر

لكن بختصر لكم  اللي حصل السبت الماضي

سبب الروحه إن إختي بتستلم وثيقتها

كان أول يوم دوامات رسميا و البنات يضبطون جداولهم

‫ نزلنا في البوابه اللي بالمعتاد للطالبات فجأه يوم دخلنا قالت لنا هذي صارت خاصه بالموظفات طيب دخلينا و نطلع من بوابه الطالبات لا‬

‫طبعا انا ما لي مزاجها و لا ابي أتهاوش معها ولا أترجى فيها مشينا

‫تخيلوا نص دوره مشي حول  سور الكليه في عز الشمس‬

‫حسبي الله عليهم

‫بالمعتاد أخلي السواق ينتظر لين اطلع‬

‫لكن لما قال فيني حراره بروح المستشفى قلت له مع السلامه

ولا فيه أحد‬ حولي ذاك الوقت

‫ ما مشينا كل هذيك المسافه مشينا نصها و من رحمة ربي

جتنا صديقة اختي  مع سواقها و كملنا المشوار‬

‫تخلف بتنقلون بوابه موب مع بدايه السنه‬

أو اكتبوا لوحه كبر قريح ان البوابه للموظفات عشان ما ننزل عندها

أبوي لما دقيت عليه يرجعنا‬‬

‫يالله قدرت أوصف له‬

‫يعني من جد وقاحه بوابات وش كبرها للموظفات و البنات بوابه مخيسه و عليها أمه محمد‬

‫وصلت للبيت أحس ما فيني حيل أصلي ولا أسوي ولا شي‬

‫تقول لي امي كلي طيب‬

‫قلت ما فيني حيل آكل‬

‫تعبت كثير  يومها‬

‫و اللي تعبني أكثر و أكثر الزحماااااااااااات‬

‫تخيلوا كليه قابلين فيها أعداد هاااااااااااااااائلة‬

ما أدري كيف حاشرين الآداب كلهم في ذاك المبنى !!

‫ المشكله المبنى غبي‬

‫والله اني دخلت مع البوابه أدور  من  وين أطلع‬

‫حتى لما  لقيت أمن و سألتهم وين بوابه الخروج ما يدرون‬

‫كلن قاعد يمشي على باب الله‬

إذا فيه مكان ممكن ينقل الأمراض فهو هالكليه‬

‫تعرفون اللي زحمااااااااات لدرجه كل شوي تصدمون في أحد‬

‫و عند بوابه الخروج ما تشوفون الا العالم تدف :(‬

‫تقول أمي الظاهر ولا الحج‬

‫قلت الحج على الأقل بأجره هذا بوشو‬!!

‫كل شي يسوونه تخلف أكثر من الثاني‬

‫البنات ماخذين الأوراق يخلصونها‬

‫يقولون لها ما عندنا بطاقات مكتبه أساسا تقول

لازم تروحون و تسوون إخلاء طرف من هناك‬ !!

‫و لو سمحتوا وين المكتبه في المبنى القديم اللي صار كليه العلوم‬!!

‫الكليه الثانيه شبه فاضيه‬

‫بنات العلوم أقل بكثير‬

‫يفترض عشان الزحمات على الأقل يبقى قسمين او ثلاثه في المبنى القديم‬

‫لا‬

‫طيب العكس علوم هناك بما إنهم أقل و الآداب يبقون بنفس المبنى لا‬

‫لأن العلوم صعبه ينقلون المعامل‬

‫مع اني ما ودي أحلف إن معاملهم قديمه و تحتاج تجديد‬

‫و ما رضت الأمن تدخلني للعلوم‬

تقول هم بيسوون إخلاء طرف و أنتي ما عندك شي‬

‫ممنوع الزائرات‬

‫أقول في نفسي من زين كليتكم أزورها‬

تحججت لها إني بستفسر من قسم الحاسب

طبعا ما تدري إن القسم خلاص ما عاد يقبل دفعات جديده

أحيانا جهلهم يمشي الأمور

(  رحت قسم الحاسب و سألت و قالوا خلاص القسم بيخرج الدفعات الحاليه و خلاص بيقفل ،  لكن المعلومه هذي أنا عرفتها مسبقا بس عن قولة إني رحت 🙂 )

‫قالت لي وين إثباتك و عطيتها سجلي الأكاديمي اللي بالأساس ماخذته في شنطتي عشان شغله ثانيه‬

‫تشوفه و تقول أنتي أفنان‬

‫قلت ايه‬

‫تستهبل يعني لو شخص ثاني و معاه الورقه بيقول ايه افنان عشان يفتك من حنتكم‬

جد يسوون نفسهم أذكياء بس عجزوا

‫‫أقول لأختي إن شاء الله هذي آخر مره تجين هالمكان

ما أقول  إلا الله يعين اللي بيداومون فيها بعد شوي و تمر الأيام و تفتكون منها على خير

هالحلطمه كلها نزلت بطلب من الوالده و  سألتني من كم يوم  إذا نزلتها في المدونة أو لا

و الواضح إن خاطرها إني أفش خلقي شوي هنا

(  أمي تكره تعاملهم السيء و أنظمتهم الغبيه )

Advertisements

26 thoughts on “كلية الآداب بالدمام = ×

  1. لم احمل لمكانا ذكريات مؤلمة بقدر هذه الكليه البائسة التي لا اعلم كيف امدني الله بالصبر وتخرجت منها
    الداخل فيها مفقود والخارج منها مولود
    بئسا للكليه وبئسا لطاقمها الذي تمر الاعوام ولا يرغبون بالتطور
    وواقلباه على من يضطر ان يدرس فيها فهي من أشد البلاء الذي يمكن ان يعيشه الانسان لمدة 4 سنوات ان كان محظوظا فهناك من تكون عدد سنواته اكثر من ذلك

    الله يهديك ياافنان ذكرتينا بكابوس قمت منه وه الله يفك من فيها

  2. عبدالملك الثاري

    اللهم آمـــيـــن

    للأسف إن هذا الحال عندنا !! 😦

    آمين و يحفظ لك غاليك يا رب

    مضيعه بيتهم

    الموضوع نازل بناء على طلب الوالده ولا ما أملت عليهم واجد

    طبيعي ما نأمل عليهم و كل سنه يزيد الغباء لأن نفس العالم المعتقه هي اللي تخطط 😦

    ….

    سهى الموسى

    الحمدلله إنك تخرجتي منها على خير

    ايه والله أرحم اللي يداومون الآن فيها

    اللهم آمين
    ربي يهدي الجميع
    سوري ما دريت ان البوست بيرجع لك ذكريات بائسه

    اللهم آمين

    محاوله للخلود
    شايف كيف 😦

    ثامر الطويرقي
    يحق لك تكرهها
    ما سبق قابلت أحد يحبها
    و أشك إن كان فيه أحد يحبها أساسا
    ايه والله 😦
    يا ليت من يسمع و يفتح لنا جامعات صاحيه

  3. 😦 كل الجامعات اللي عندنا تجيب المرض ،قوانين وانظمة اقدم شي في الحياة
    ناس عقولها متحجرة ماعندهم قابلية للانفتاح والتقبل لكن عاد الاداب بزود
    تخيلي ومع انها على بعد خمس دقايق من بيتنا مافكرت اني احطها ضمن رغباتي
    لاني جربت اخلاقهم وشفت معاناة قريباتي وصديقاتي ،من جد الله لايحط احد بين يدينهم…

    تحياتي انا& اختي

  4. تصدقين …يا افنان

    ما في احد يمدح هالكلية ابد

    والزحمة عليها في ازدياد

    ..

    لازمها ادارة جديدة
    ودماء جديدة
    وافكار جديدة


    المشكلة مساحتها كبيرررررررررررررررة على الفاضي

    :
    الله يعين بنات الدمام ….

    وفقك الله

  5. يااعســــــى ربي يرزقك الجنه على هالكلام .,.
    هالمخيسين تووهم مسووين لي نفس الحركــه التافهه زيي وجههمــ المفقعه .,.
    انا بالاساس مو من الدمــام وجايبني سواق بفلووس واهلي كلهمـ مساافرين ,,
    ومن بوابه لبوابه لا مو هاذي تبع علوم وانتي اداب ومن الاداب تقولي الى موظفاات روحي الكراج اللي يكرج شعرهاا ويحرقه ,.
    اخخخخخخ تفوو عليهمــ وعلى اللي يسجل عندهم ..

    اعذرووني يااعالم ووالله ماقول هالالفااظ بس لوحد يمر زي اللي مرينا فيه بيقوول اعظمــ ..
    حسبي الله عليهم كرررهوووني بالكليه ..

  6. أنا و أختي
    أوافقك الرأي
    للأسف إن هذا حالنا 😦
    أحسن قرار تتخذينه في حياتك انك تبعدين عنهم
    المهم راحتك النفسيه قبل كل شي
    صح الجامعات الثانيه فيها حقها
    لكن الآداب بزيااااااده

    ———
    eyad

    ايه أصدق

    لأنهم ما خلوا شيء واحد العالم تمدحهم عليه

    أوافقك الرأي

    للأسف 😦

    اللهم آمــيــن

    ويوفقك يا رب

    —–

    هنووفه

    اللهم آمــيـــن

    دعواتي لكِ بالمثل

    مررررررره معصبه منهم

    الله يعينك

    حسبي الله عليهم

  7. الله ياخذها من كليه جعلها تحترق اكــــرررررها
    واكره ******* وهي مواعنيها اااااه جاااابت لي الجلطه وانا بعدني صغيره
    ولا ******* اللي مسويه نفسها عميده وهي حي الله رئيسة امن اجل لو صارت عميده وش بتسوي حرام لاطلعنا من الكليه الله يقلعها من كليه مايعرفون لا انظمه ولا شي يبي من يحرقهم فيها
    الله ينتقم منهم بس

  8. خوفتوني بصراحه كنت ادور بالقوقل عندي استفسار انا لي 3 سنوات متغيبه عن الكليه بدون عذر او وقف سوالي كيف اروح اسحب ملفي وش هي الاجرءات؟بللللللليز جاوبوني بأقرب فرصه

  9. يا ساتر
    ليه الخوف !!
    ما عندي فكره بالضبط
    لكن النظام في جميع الكليات انه يحق لك تروحين للاداره و تقولين انك بتسحبين ملفك و ترجع لهم البطاقه الجامعيه و جيبي لهم هويتك ( بطاقه الأحوال أو بطاقه العائله ) و ان شاء الله تمشي أمورك
    و ما أدري هالعلل إن كان لهم إجراءات أخرى
    بالتوفيق يا رب

  10. الف شكر حبيبتي افنان ريحتيني كنت خايفه يسونلي سالفه بروح الاسبوع هذا والله يعين

  11. بنات حرام عليكم راعو شعورنا احنا خريجات الثانوية كل ما بغينا ندور صور عن الكليه ولا اخبار زينه نلقى الكل يشتكي منها خوفتونا وارهبتونا والله حاله الله يسامحكم ..انتو تتكلمون عنها بس باقي مواصلين فيها طيب ليش تخرعون ناس ممكن توقف دراسه بسبة كلامكم ..ولا انتو كلام بس

  12. خريجة ثانوية
    الموضوع هذا نوع من الفضفضه و اللي صار لنا فيها
    ما أقدر أقول يا عالم والله الكلية هذي رهيبه و الحقيقه أمر آخر !!
    من قال مواصلين فيها !! سنه واحده و سحبت ملفي 🙂
    (مع العلم السنه هذي كانت قبل هالمأساة)
    ما فيها مؤهل واحد يخلي الواحد يكمل !!
    اذا لك رغبه بدخولها توكلي على الله و سجلي فيها
    الله يوفقك

  13. اهلين اختي ادا على المواقف السيئه الي مرت بك فيها فوالله ترا ماوقفت على هدي الكليه ياكثر القطاعات والدوائر الي نستاء من تعاملها .ياليت تكون مدونتك منبر لنشر الافكار الحلوه والايجابيه …موقف ولا مواقف في كليه تخلينا مانكمل فيها تراها راس مالها كليه اجل الحياة والناس وشبتسوين معهم ..والله اكتب وانا معتبرتك اخت لي ,,بس من جد سأتني الالفاظ مثل(حسبي الله عليهم )لو نفترض انهم يطبقون نظام فاشل وشو له تتحسبين تراه جدا كبيره وكلمه مثل من زين كليتهم ,من جد وقاحه ومعاملهم قديمه ….وارجو السموحه والله اتمنى تقبل كلامي برحابه صدر

  14. وجهة نظر أحترمها
    الأسباب كثيره اللي تخليني ما أكمل فيها و تركي لها موب عشان موقف !! لكن جدياً ما فيها مؤهل واحد حمسني أكمل
    التخصصات المتاحه ما لي أي رغبه فيها !!
    فسحبت و كملت في تخصص أرغب فيه
    شكراً لك على حرصك
    لما يطبق النظام حسب المزاج شي طبيعي بتحسب عليهم
    حياك الله 🙂

  15. كلية الآداب بالنسبة لي اكثر الم وحزن وماساة مرت بحياااااااااااتي
    ظلم كذب نفاق……..
    والعاملين عليها والمسؤلين ………
    جد ناس حاطينهم في اماكن مايتتاهلونها
    والحمداللة ربي فكني منهم
    وبصراحة اسوء مرحلة مرت بحيااااااااااتي هي يوم اني دخلت هالكلية
    وبصراحة انا اسميها معتقل مو كلية

  16. ما تسوى عليكم تمشون دورة كاملة كان الاولى تدخلكم ما عندهم تقدير تماماً مثل الرجل الآلي (ايه-لأ) صادفتني نفس المشكلة اول يوم دوام قالت لي هذا باب الموظفات روحي البوابة اللي ورى قلت ايييش ابوي راح تبوني اموت و انا امشي بهالشمس و يالله يالله طاعت تدخلني و انا معاك بخصوص الزحمة تشوفين المبنى القديم زحمته متوسطة و عندنا البنات داخلين ببعض المفروض يخلون ع الاقل قسمين آداب بالقديم فشلونا الله يفشل العدو اشهر كلية انظمتها تجيب المرض ايييه الله يصبرررنا ^^

  17. بنوتااات اييييدكم بهالكلاام منجد زباااااله هالكليه بسسسسسس بسالكم انا انتساب وجد مظلومه احل ويرسبوني انقهر وربي بسس انا سنه ثالثه وعندي مواد من ثاني واخذت حقت ثاني وابي اضيفيني مواد ثالث راافض ابي اسالكم وش هالنظام يقولون اذا رسبتي بمواد اكثرررررررر من ۲ من ثاني ماتاخذين من ثالث وجع انا بس عندي ۲ راسبه فيهم ومعي يسجلي مواد من ثالث وشششششششششووووووووو الحل ابي اعرف الانظمه بليز ساعدوووني

  18. أنا كنت احدى طالبات كلية الاداب بالدمام ولم ادرس بها سوى سنتان
    انتقلت إلى كليه الاداب بالرياض ولكن في اقل من شهر بلغني عدم قبولي في هذه الكليه
    السؤال:
    كيف اسحب ملفي الاكاديمي من كلية الاداب بالدمام ؟؟اي قسم اذهب لسحب ملفي
    علما بأن هذا الكلام من سنوات طويله جدا مايقارب العشر سنوات لم ازر الكليه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s